2 कुरिन्थि 5:14 - Garhwali

^14-15 हे मेरा दगड़्यों, यीशु मसीह को प्यार हमतै मजबूर करदु, ताकि हम सब भलै का काम कैरा। अर हम जणदा ही छां कि एक यीशु मसीह ही च जु कि सब लोगु का खातिर मरे गै, अर मौत की ज्वा सजा हमतै मिलण वळी छै वा वेन खुद सै दिनी। अर अब हमरु यू फरज बणदु कि हम सभ्या का सभि अपणा-अपणा फैदा खुणि जीवन नि ज्या, बल्किन मा हमतै यीशु मसीह का मुताबिक अपणु-अपणु जीवन जीण चयेणु, जैतैं पिता परमेस्वर न मुरदो मा बटि ज्यून्द कैरी।

गढवली नयो नियम

¹⁴ किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।

2 कुरिन्थि 5:14 ပူးပေါင်းရင်းမြစ်များ

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

लूका 15:24

किलैकि मेरु यू नौनु मोरि गै छौ पर अब यू ज्यून्दु ह्‍वे गै।’ अर यू हरचि गै छौ पर अब मिली गै। तब ऊ सब मिली के खुशी मनौण लगि गैनी।

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

लूका 24:29

पर ऊंन वेतैं रोकी के बोलि कि, “रुमुक को बगत च अर रात होण वळी च, इलै तू हमरा दगड़ा मा इखि रुकी जा।” तब यीशु ऊंका दगड़ा मा रौणु कू वे गौं मा चलि गै।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 11:25

तब यीशु न वींकू बोलि, “मुरदो मा बटि ज्यून्दु कन वळु, अर मनखियों तैं जीवन देण वळु मि ही छौं। अर जु कुई मि पर बिस्वास करदु, अगर उ मोरि भि जालु, फिर भि ज्यून्दु होलु।

यूहन्ना 5:25

मि तुम बटि सच्‍चि ही बोन्‍नु छौं, कि अब उ बगत औण वळु च बल्किन मा ऐ गै, अर जु लोग आत्मिक जीवन मा मोरि गैनी, ऊ भि परमेस्वर का पुत्र की आवाज तैं सुणला। अर जु कुई वेकी आवाज तैं सुणला ऊ सदनि को जीवन पाला।

खास चेलों 18:5

अर जब सीलास अर तीमुथियुस मकिदुनिया मुलक बटि ऐनी, तब पौलुस प्रभु का वचन तैं सुनौण मा अपणु पूरु बगत लगौण लगि गै, अर यहूदियों तैं गवै दे देके इन साबित कनु रै कि यीशु ही मसीह च।

रोमियों 2:2

हे मेरा भै-बैंणो, तुम इन किलै बुल्द्‍यां कि जु लोग इन्द्रया गळत काम करदिन ऊं सब लोगु तैं परमेस्वर दण्ड द्‍यो, जब कि तुम लोग भि ठिक उन्‍नि काम करद्‍यां। इलै इन्दरि उम्मीद नि रखा की तुम पिता परमेस्वर का दण्ड से बचि जैल्या। अर हम ईं बात तैं भौत अच्छे से जणद्‍यां, कि इन्द्रया बुरा काम करण वळो तैं जब परमेस्वर दण्ड देन्दु त वेको फैसला खरु ही होन्दु।

रोमियों 5:15

मगर पितर आदम अर वु मनखि एक जन नि छिन, किलैकि पिता परमेस्वर का द्‍वारा दियूं दान आदम का पाप का जन नि च। हे मेरा दगड़्यों, या बात सच्‍च च कि आदम का पाप का द्‍वारा मौत ईं दुनियां मा सब लोगु खुणि ऐ गै, मगर फिर भि पिता परमेस्वर की किरपा हम सभ्यों खुणि भौत बड़ी च, किलैकि अब यीशु मसीह का द्‍वारा सब लोगु तैं अपणा-अपणा पापों से माफी पौण को दान पिता परमेस्वर बटि मुफत मा मिली गै।

रोमियों 6:13

अर नऽ त खुद तैं पाप करणु खुणि सौपा, किलैकि या बात तुम खुणि भली नि च, कखि इन नि हो कि तुम फिर से गळत काम करण लगि जा। इलै खुद तैं पिता परमेस्वर का सुपुर्द कैरी द्‍या, जु कि मुरदो तैं ज्यून्द करण की ताकत रखदु। अर इन तुम इलै कैरा, ताकि उ तुमरा जीवनों का द्‍वारा भलै का काम कैरी सैको।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

1 कुरिन्थि 16:22

अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

1 कुरिन्थि 2:14

अर जु लोग सरील की मनसा का मुताबिक चलदिन, ऊ परमेस्वर की पवित्र आत्मा की बातों तैं स्वीकार नि करदिन, इन्द्रया लोगु खुणि यू बात बेमतलब की छिन। मगर यों सब बातों तैं पवित्र आत्मा का द्‍वारा ही बिंगै जै सकदु।

2 कुरिन्थि 3:7

अर मौत तैं लेके औण वळा कानून त ढुंगो की पाटि पर लिखे गै छा, जु कि परमेस्वर का दिब्य तेज का द्‍वारा हमरा पितर मूसा तैं दिये गैनी। अर वे बगत परमेस्वर का रैबर्या मूसा को मुख भि वेका तेज से चमकदु छौ, अर भले ही वा चमक जरा-जरा कैरिके खतम ह्‍वे गै मगर फिर भि इस्राएली लोग वीं चमक की वजै से पितर मूसा का मुख जनै देखि नि सकिनी।

2 कुरिन्थि 3:9

अर अगर दोषी ठैराण वळु कानून इथगा चमकदार ह्‍वे सकदु, त फिर वे करार का द्‍वारा मनखि का जीवन मा कथगा चमक ह्‍वेलि, जु कि मनखि तैं पिता परमेस्वर की नजर मा धरमी ठैरान्दु।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

इफिसुस 6:24

अर जु लोग हमरा प्रभु यीशु मसीह से कभि नि खतम होण वळु प्यार करदिन, ऊं सभ्यों पर परमेस्वर की किरपा होणी रौ। आमीन।

कुलुसी 2:13

अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

1 तीमुथियुस 2:6

अर वेन हरेक मनखि तैं वेका पापों बटि छुटकारा देण खुणि, अफ तैं एक दाम का रुप मा दे दिनी। अर इन कैरिके वेन ठिक बगत पर इन गवै देई, कि वेकी मनसा इन च कि हरेक मनखि तैं बचयै जौ।

1 तीमुथियुस 5:6

पर जु विधवा जनानि मौज-मस्ती मा रौन्दी, त वा ज्यून्दु होण का बाद भि मुरयां का जन च।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

इब्रानी 2:9

पर जब हम यीशु मसीह तैं दिखद्‍यां, त इन जणद्‍यां कि पिता परमेस्वर न वेतैं कुछ बगत खुणि ही स्वर्गदूतों से जरा कम कैरी। अर इन वेन इलै कैरी, किलैकि यीशु मसीह न सब मनखियों का खातिर मौत का स्वाद तैं चखी। अर ईं योजना का द्‍वारा पिता परमेस्वर न अपणी दया अर प्यार सब लोगु पर दिखै, मगर अब पिता परमेस्वर न यीशु तैं सबसे महान राजा का रुप मा आदर-सम्मान देके सबसे ऊँचो पद दियाली।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

1 पतरस 1:8

अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।