2 कुरिन्थि 4:8 - Garhwali

⁸ अर हम हरेक किसम का दुखों तैं सौन्द्‍यां, मगर फिर भि हम यीशु मसीह का शुभ समाचार तैं सुनौण मा कभि भि पिछनै नि हटयां। अर जब हमतै कुछ भि पता नि होन्दु कि क्या करण चयेणु, तब भि हम पिछनै नि हटद्‍यां।

गढवली नयो नियम

⁸ हम सभि तरपां बट्टी क्लेश तैं भुगतदयां, पर संकट मा नि पुड़दां; बगैर उपाय का त छा, पर निराश नि हूंदा।

2 कुरिन्थि 4:8 ပူးပေါင်းရင်းမြစ်များ

यूहन्ना 14:18

“अर मि तुमतै अनाथ की तरौं नि छुड़लु, पर मि तुमरा पास फिर से औलु।

1 कुरिन्थि 10:13

अर तुम अभि तक शैतान की बातों का द्‍वारा भकलै नि ग्यां, जु कि तुमतै कुई परेसानी हो। अर अगर जु तुम भकलै जैल्या, त वा तुमरा सौण की ताकत से जादा नि होलि। किलैकि पिता परमेस्वर जु कि सच्‍चु च उई तुमतै हरेक बात सौण की ताकत द्‍यालु, बल्किन मा उ तुमतै शैतान का भकलौण वळी बातों से भि भैर निकळण को बाटु दिखालु।

2 कुरिन्थि 12:10

इलै मि अपणी कमी-कमजोरी का बगत मा, बेजती होण का बगत मा, या सतयै जाण अर दुख-तकलीफ का हरेक बगत मा खुश रौन्दु। अर मेरा खुश होण की वजा या च कि जब-जब मि कमजोर होन्दु, त वे ही बगत मा पिता परमेस्वर की ताकत मेरा जीवन मा काम करदी अर मि और भि जादा मजबूत होन्दी जान्दु।

2 कुरिन्थि 6:12

अर हम तुमरा दगड़ा मा कुई गळत बरतौ नि करद्‍यां, किलैकि हम तुम से प्यार करद्‍यां, मगर तुम यू बता कि तुमतै क्या ह्‍वे गै?

2 कुरिन्थि 6:4

मगर हम हरेक बगत इन दिखौन्द्‍यां कि हम लोग बड़ी इमानदारी से पिता परमेस्वर कि सेवा करद्‍यां, अर चै कन्दरि भि बात किलै नि ह्‍वे जौ, या दुख-तकलीफ को बगत हो या बगत बड़ु कठिन हो, या मुस्किल पर मुस्किल औणी हो, पर फिर भि सबर रखी के सेवा का काम मा लग्यां रौन्द्‍यां।

2 कुरिन्थि 7:5

अर जब हम मकिदुनिया मुलक मा अयां, त हमतै उख आराम कन को भि मौका नि मिली। हमुन हर बार दुख ही पै, इख तक कि हमरा मनों मा डौऽर ऐ गै किलैकि दुसमन हमतै परेसान करणा छा।

गलातियों 4:20

इलै मि तुमरा बानो बड़ी उळझण मा पोड़्यूं छौं, कि तुम लोग दुसरा ही बाटा पर चलण लगि ग्यां, अर मेरी या इच्छा च कि यों सब बातों का बारा मा मि ऐके तुमतै भौत अच्छे से समझौ। मगर अभि मि कुछ नि कैरी सकदु किलैकि मि तुम से भौत दूर छौं।