2 कुरिन्थि 4:4 - Garhwali

⁴ अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

गढवली नयो नियम

⁴ अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

2 कुरिन्थि 4:4 ပူးပေါင်းရင်းမြစ်များ

मत्ती 13:22

अर झिबलांणो मा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणदा त छिन, मगर ईं दुनियां मा जीवन की चिन्ता-फिकर, अर धन-दौलत को लालच वे वचन तैं दबै देन्दिन, इलै वे पर फल नि लगदिन।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

यूहन्ना 12:31

अब ईं दुनियां को न्याय होणो को बगत ऐ गै। अर जु ईं दुनियां पर राज कनु च, वेतैं भैर निकळे जालु।

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

यूहन्ना 12:40

“वेन ऊंका आंख्यों तैं अन्धु अर मन तैं निठुर कैरियाली, ताकि वु आंख्यों बटि ना देखा अर ना ही मन बटि समझा। अगर ऊंन देखियाली अर समझियालि अर अपणा मन से पस्ताप कैरियाली, त कखि इन ना हो कि मि ऊंतैं खूब कैरी द्‍यूं।”

यूहन्ना 12:45

अर जु मितैं दिखदु, वेन वे परमेस्वर तैं भि देखियाली जैन मितैं भेजि च।

यूहन्ना 14:30

अर अब मिन तुमरा दगड़ा मा जादा बात नि करण, किलैकि ईं दुनियां पर राज करण वळु औण वळु च। फिर भि वेको मि पर कुई भि अधिकार नि च।

यूहन्ना 15:24

“अगर जु मि ऊंका बीच मा ऊं कामों तैं नि करदु, जु मिसे पैलि कैन भि नि करिनी त वु दोषी नि ठैरदा, पर अब त ऊंन मितैं अर मेरा पिता तैं देखियाली अर हम दुईयों से नफरत कैरी।

यूहन्ना 16:11

अर परमेस्वर का न्याय का बारा मा इलै, किलैकि दुनियां पर राज करण वळा को न्याय कैरिके वेतैं दोषी ठैरै गै।

यूहन्ना 8:12

फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

खास चेलों 26:23

अर ऊंन इन बोलि छौ कि मसीह तैं दुख झिलण पोड़लु, अर वु ही पैलु होलु जु कि मुरदो मा बटि ज्यून्द ह्‍वेके हमरा लोगु खुणि अर ऊं लोगु खुणि भि उज्याळु को परचार करलु, जु कि हमरि जाति का नि छिन।”

1 कुरिन्थि 10:20

मेरु बोन्‍न को मतलब यू च कि जु कुछ भि मूरतों का अगनै चड़ये जान्दु उ ज्यून्दा पिता परमेस्वर खुणि ना, बल्किन मा उ सब कुछ ऊं दूतों खुणि चड़ये जान्दु जु शैतान का छिन। अर मि इन चान्दु कि तुम लोग बुरी आत्माओं का दगड़ा मा सामिल नि ह्‍वा।

2 कुरिन्थि 2:11

अर यू सब मिन इलै कैरी ताकि शैतान हम मा बटि कै को भि फैदा नि उठे सैको, किलैकि हम अच्छी तरौं से जणद्‍यां कि उ अपणी चालाकी द्‍वारा हम खुणि समस्या खड़ि करदु।

2 कुरिन्थि 2:12

हे मेरा दगड़्यों, जब मि यीशु मसीह का बारा मा शुभ समाचार सुनौणु कू त्रोआस नगर मा पौंछु, त मिन देखि कि प्रभु न उख अपणु काम करणु खुणि पैलि बटि लोगु तैं तयार कैरिके रख्युं च, अर मितैं एक अवसर अच्छु मिली कि मि ऊंतैं शुभ समाचार सुणौ।

2 कुरिन्थि 3:11

अर जन पितर मूसा का मुख बटि वा चमक बाद मा गैब ह्‍वे गै, ठिक उन्‍नि जु रैबार वेन देई उ भि जादा बगत तक टिक्यूं नि रै। मगर जब परमेस्वर न अपणा लोगु तैं पवित्र आत्मा को दान देई, त जु काम पवित्र आत्मा ऊंका जीवनों मा कनु च वु हमेसा तक रौण वळु च।

2 कुरिन्थि 3:14

मगर अभि भि ऊं लोगु का दिमाग सुनपट पोड़यां छिन, किलैकि ऊ परमेस्वर की मनसा तैं स्वीकार नि करण चनदिन। अर जब ऊ पुरणा कानून तैं पढदिन, त आज भि ऊंका बिंगण मा यू नि औन्दु कि परदा किलै डळै गै होलु। मगर यू सब ऊंका बिंगण मा तब औण जब वु यीशु मसीह पर बिस्वास करला।

2 कुरिन्थि 3:18

अर पिता परमेस्वर न हमरा मुख बटि वु परदा हटैयली, अर अब हम इन देखि सकद्‍यां कि हमरु प्रभु कथगा महान च। अर हम पवित्र आत्मा का द्‍वारा लगातार प्रभु यीशु मसीह कि तरौं बणदी जां, ताकि लोग भि जाणि सैका कि हमरु प्रभु कथगा महान च। अर यू सब काम हमरा प्रभु यीशु मसीह को पवित्र आत्मा करदु।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

गलातियों 1:4

अर तुम यू जाणि ल्या, कि वे ही यीशु न हमरा पापों का खातिर खुद तैं बलिदान होणु खुणि दे दिनी, ताकि इन कैरिके वु हमरा पिता परमेस्वर की मनसा का मुताबिक हमतै आज ईं दुनियां की बुरी बातों से आजाद कैरो।

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

फिलिप्पी 2:6

किलैकि परमेस्वर का बराबर होण पर भि वेन वे पद की धौंस नि जमै,

कुलुसी 1:15

हे मेरा भै-बैंणो, कभि नि दिख्यौण वळा परमेस्वर को एक साक्षात रुप यीशु च, अर हरेक चीज का बणयै जाण मा भि सबसे पैलु यीशु ही च।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

1 तीमुथियुस 1:11

अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

इब्रानी 6:4

अर जथगा भि लोग एक बार पिता परमेस्वर का उज्याळा मा ऐ गैनी, वेन ऊंतैं बयना का रुप मा पवित्र आत्मा अर वेका दगड़ा-दगड़ि दान-बरदान भि दिनी, अर जु लोग शुभ समाचार अर औण वळा बगत मा नई दुनियां का बारा मा जणदिन, अगर इन्द्रया लोग बिस्वास करण से दूर ह्‍वे जा, त इन्द्रया लोगु तैं फिर से बिस्वास मा वापस लौण बड़ु कठिन च। अर तुम ईं बात तैं भि जाणि ल्या कि इन्द्रया लोग परमेस्वर का पुत्र यीशु तैं फिर से क्रूस पर चडौन्दिन, अर सभ्यों का समणि वे पर कलंक लगौन्दिन।

2 पतरस 1:19

अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।

1 यूहन्ना 2:11

मगर जु मनखि दुसरा लोगु से नफरत करदु, उ ईं बात तैं जाणि ल्यो कि वेका जीवन मा बुरै च, अर वु अन्धेरा मा चलणु च। अर वे मनखि तैं इन पता नि च कि उ जाणु कख च, किलैकि वे अन्धेर न वेका आंख्यों तैं बन्द कैरियाली।

1 यूहन्ना 2:8

मगर फिर भि मि तुम खुणि एक नई आज्ञा लिखणु छौं, ज्वा कि यीशु मसीह मा अर ठिक उन्‍नि तुम भि मा भि सच्‍चि साबित ह्‍वे, किलैकि अब अन्धेरु खतम होण लगि गै, अर सच्‍चै को उज्याळु चमकण लगि गै।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।