2 कुरिन्थि 4:3 - Garhwali

³ अर जु लोग ये शुभ समाचार तैं स्वीकार नि करदिन वु विणास का बाटा पर चलणा छिन, किलैकि ऊ लोग इन नि मणदिन कि जै शुभ समाचार को परचार हम करद्‍यां वेमा ऊंकी ही भलै च।

गढवली नयो नियम

³ जु शुभ सन्देश हम प्रचार करदा जु उ छिपयूं च, त यु नाश हूंण वलो कु ही छिपयूं च।

2 कुरिन्थि 4:3 ပူးပေါင်းရင်းမြစ်များ

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

1 कुरिन्थि 1:18

अर या सच्‍चि बात च कि जु लोग नास होण वळा बाटा पर चलणा छिन, ऊ इन सोचदिन कि यीशु मसीह को क्रूस पर मुरण की घटना बेकार च। मगर बचयै जाण वळा लोगु खुणि या परमेस्वर की ताकत च।

1 कुरिन्थि 2:6

हे मेरा दगड़्यों, जब मि कैतैं सिखौन्दु, त वे बगत मि मनखि का ज्ञान का मुताबिक बात नि करदु, मगर यीशु मसीह पर बिस्वास कैरिके जु ज्ञान मितैं मिलदु मि वेका मुताबिक ही बात करदु। अर यू सब त वेका पिछनै अटल ह्‍वेके चलण से मिलदु। अर ना ही मि ईं दुनियां का ज्ञानी अर अधिकारी लोगु का जन बात करदु। पर सुणा, ईं दुनियां का अधिकारीयों को अधिकार खतम होण वळु च।

2 कुरिन्थि 2:12

हे मेरा दगड़्यों, जब मि यीशु मसीह का बारा मा शुभ समाचार सुनौणु कू त्रोआस नगर मा पौंछु, त मिन देखि कि प्रभु न उख अपणु काम करणु खुणि पैलि बटि लोगु तैं तयार कैरिके रख्युं च, अर मितैं एक अवसर अच्छु मिली कि मि ऊंतैं शुभ समाचार सुणौ।

2 कुरिन्थि 3:14

मगर अभि भि ऊं लोगु का दिमाग सुनपट पोड़यां छिन, किलैकि ऊ परमेस्वर की मनसा तैं स्वीकार नि करण चनदिन। अर जब ऊ पुरणा कानून तैं पढदिन, त आज भि ऊंका बिंगण मा यू नि औन्दु कि परदा किलै डळै गै होलु। मगर यू सब ऊंका बिंगण मा तब औण जब वु यीशु मसीह पर बिस्वास करला।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

1 थिस्सलुनीकी 1:5

किलैकि हमुन तुमतै जु शुभ समाचार सुणै वु सब केवल बुलण वळी बात ही नि छै, बल्किन मा वु सामर्थ का काम तुमरा बीच मा भि ह्‍वे छिन। अर वु सब काम पवित्र आत्मा का छा, अर पवित्र आत्मा न ही यां को परमाण दिनी कि यू शुभ समाचार सच्‍चु च। अर तुम खुद ही जणद्‍यां, कि तुमरि मदद का खातिर हमरु व्यौहार तुमरा बीच मा कन्द्रयो छौ।

1 तीमुथियुस 1:11

अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।