2 कुरिन्थि 4:11 - Garhwali

¹¹ अर अभि त हम ज्यून्दा छां मगर हमतै इन पता च कि हम कभि भि मरे सकद्‍यां, किलैकि हम प्रभु यीशु मसीह का पिछनै चलद्‍यां। मगर हमरा मुरण से पैलि पिता परमेस्वर हमरा कामों का द्‍वारा यीशु मसीह का चाल-चलन तैं दुनियां का लोग पर परगट करदु।

गढवली नयो नियम

¹¹ किलैकि हम ज्यूंदा रै के हमेशा यीशु का कारण मरै जांणा का खतरा मा छा कि यीशु कु जीवन भि हमारा मुरण वली देह मा प्रगट हो।

2 कुरिन्थि 4:11 ပူးပေါင်းရင်းမြစ်များ

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

रोमियों 8:36

अर जन की पवित्रशास्‍त्र मा भि लिख्यूं च कि, “त्वे खुणि हम हरेक बगत मौत का खतरा मा रौन्द्‍यां, अर हम त बलिदान का रुप मा चड़ये जाण वळी भेड़ का जन छां।”

1 कुरिन्थि 15:31

हे मेरा भै-बैंणो, मि कै दिन भि मोरि सकदु, मगर मि कसम खै के बुल्दु कि तुमरि खातिर मेरु मोन भौत बड़ु होन्दु, किलैकि तुम हमरा प्रभु यीशु मसीह पर बिस्वास करद्‍यां, इलै मि कसम खै के बुल्दु कि मितैं हरेक दिन मौत को सामना कन पोड़दु।

1 कुरिन्थि 15:49

अर जन आदम तैं माटा बटि बणयै गै, इलै हमरु रुप भि वेकी तरौं ही च। अर ठिक उन्‍नि दुसरो मनखि यीशु जु कि स्वर्ग बटि ऐ, इलै हमरु सरील भि वेकी तरौं स्वर्ग को ही होलु।

2 कुरिन्थि 4:10

अर हम जख भि जन्द्‍यां हमतै इन पता रौन्दु कि जन यीशु मसीह तैं मरे गै, ठिक उन्‍नि हमरि जान भि लिये जै सकदी च। मगर हम इन्द्रयो जीवन जीणु खुणि भि तयार छां, ताकि लोगु तैं इन पता चलि जौ कि यीशु मसीह उ च जु कि मनखियों तैं सच्‍चै का बाटा पर चलौन्दु।

2 कुरिन्थि 4:12

अर ईं बात से साफ पता चलदु कि हमरा चौतरफि मौत रिंगणी च, पर हमतै खुशी ईं बात की च कि तुम लोगु खुणि यां को नतीजा सदनि को जीवन च।

2 कुरिन्थि 5:4

अर जबरि तक हम दुनियां वळा सरील मा रौन्द्‍यां, तबरि तक हमरा मथि बड़ु बोझ च अर हम पीड़ाळ कड़ौणा रौन्द्‍यां। अर हम इन नि बोन्‍नु छां कि हम ये सरील तैं छुड़ण चन्द्‍यां, बल्किन मा हम त स्वर्ग वळा सरील तैं पौण चन्द्‍यां, ताकि जु नास होण वळु सरील च वेतैं सदनि को जीवन मिली सैको।

2 कुरिन्थि 6:9

अर कुछ लोग अच्छे से जणदिन कि हम परमेस्वर का सच्‍चा सेवक छां, मगर कुछ लोग ईं बात तैं स्वीकार नि करदिन। अर कई बार लोगु न हमतै मरणे की कोसिस कैरी, मगर हम अभि भि ज्यून्दा छां। अर कई बार हमतै भौत पीटे गै मगर हम फिर भि नि मुरयां।