2 कुरिन्थि 4:10 - Garhwali

¹⁰ अर हम जख भि जन्द्‍यां हमतै इन पता रौन्दु कि जन यीशु मसीह तैं मरे गै, ठिक उन्‍नि हमरि जान भि लिये जै सकदी च। मगर हम इन्द्रयो जीवन जीणु खुणि भि तयार छां, ताकि लोगु तैं इन पता चलि जौ कि यीशु मसीह उ च जु कि मनखियों तैं सच्‍चै का बाटा पर चलौन्दु।

गढवली नयो नियम

¹⁰ हम यीशु का जन हर बगत लगातार मरै जांणा का खतरा मा त रौंदियां; कि हम हमारा देह का कामों बट्टी यु दिखै साका कि यीशु ल कन जीवन जिये।

2 कुरिन्थि 4:10 ပူးပေါင်းရင်းမြစ်များ

यूहन्ना 14:19

अब कुछ देर बाद दुनियां का लोग मितैं नि दिखला पर तुम मितैं दिखल्या, किलैकि मि ज्यून्दु छौं अर तुम भि ज्यून्दा रैल्या।

रोमियों 6:5

इलै जब हमुन पाणिळ बपतिस्मा ले, त हम यीशु मसीह की मौत मा सामिल ह्‍वेके एक ह्‍वे ग्यां, अर जब पाणि मा बटि भैर निकळ्यां त जन वु मुरदो मा बटि ज्यून्द किये गै, ठिक उन्‍नि हम भि यीशु मसीह दगड़ा मा ज्यून्दा किये जौला अर वेका दगड़ा मा एक ह्‍वे जौला।

रोमियों 6:8

अर अगर जु हम यीशु मसीह का दगड़ा मा मोरि ग्यां, त हमतै यकीन च कि हमतै वेका दगड़ा मा जीवन भि मिललु।

रोमियों 8:36

अर जन की पवित्रशास्‍त्र मा भि लिख्यूं च कि, “त्वे खुणि हम हरेक बगत मौत का खतरा मा रौन्द्‍यां, अर हम त बलिदान का रुप मा चड़ये जाण वळी भेड़ का जन छां।”

2 कुरिन्थि 1:5

किलैकि यीशु मसीह की सेवा करण की वजै से जु दुख-तकलीफ हमतै झिलण पोड़दिन, यीशु मसीह वेका बदला मा हमतै और भि जादा दिलासा देन्दु।

2 कुरिन्थि 1:9

अर हम अपणा-अपणा मनों मा इन समझण लगि गै छा कि अब हमुन मोरि जाण, अर यू सब त वे बगत इलै ह्‍वे ताकि हम अपणी ताकत पर बड़ु मोन नि कैरा। अर यू सब त पिता परमेस्वर कि मनसा का मुताबिक ह्‍वे, किलैकि उ चान्दु छौ कि हम वे पर भरोसा रखा जु कि मुरदो तैं ज्यून्द करदु।

2 कुरिन्थि 13:4

अर या बात सच्‍च च कि जब यीशु मसीह तैं क्रूस पर चड़ये गै, त उ कमजोर लगणु छौ। मगर या बात भि सच्‍च च कि पिता परमेस्वर न वेतैं अपणी महान ताकत से मुरदो मा बटि ज्यून्द कैरी, अर अब वु सदनि खुणि ज्यून्द च। अर ठिक उन्‍नि हम भि कमजोर मनखि छां, मगर हमरु रिश्ता यीशु मसीह का दगड़ा मा भौत गैरु च, इलै तुमतै अनुसासन मा लौणु खुणि मि पिता परमेस्वर की ताकत को इस्तेमाल करलु।

2 कुरिन्थि 4:11

अर अभि त हम ज्यून्दा छां मगर हमतै इन पता च कि हम कभि भि मरे सकद्‍यां, किलैकि हम प्रभु यीशु मसीह का पिछनै चलद्‍यां। मगर हमरा मुरण से पैलि पिता परमेस्वर हमरा कामों का द्‍वारा यीशु मसीह का चाल-चलन तैं दुनियां का लोग पर परगट करदु।

गलातियों 6:17

अब आखिरी मा मि तुमकु इन ही बोन्‍न चान्दु कि, “कुई भि गळत शिक्षा को परचार कैरिके मितैं और जादा दुख नि द्‍या। किलैकि मेरा सरील पर जु घौ छिन वां से इन पता चलदु कि मि यीशु मसीह को छौं।”

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

2 तीमुथियुस 2:11

अर या बात सच्‍च च कि, अगर जु हम यीशु मसीह का दगड़ा मा मोर ग्यां, त वेका दगड़ा मा जीवन भि जीणा रौला।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।

1 पतरस 4:14

अर अगर जु तुमतै यीशु मसीह का नौ का खातिर बदनाम किये जाणु च त तुम धन्य छाँ, किलैकि परमेस्वर को पवित्र आत्मा अर वेकी ताकत तुमरा दगड़ा मा च।

दिब्य दरस 1:17

अर जब मिन यीशु तैं देखि, त मि वेका खुटों मा मुरदो की तरौं पोड़ि ग्यों। तब वेन अपणु दैंणु हाथ मि पर रखी अर बोलि कि, “डौऽर ना, पैलु अर आखिरी मि ही छौं,