2 कुरिन्थि 3:9 - Garhwali

⁹ अर अगर दोषी ठैराण वळु कानून इथगा चमकदार ह्‍वे सकदु, त फिर वे करार का द्‍वारा मनखि का जीवन मा कथगा चमक ह्‍वेलि, जु कि मनखि तैं पिता परमेस्वर की नजर मा धरमी ठैरान्दु।

गढवली नयो नियम

⁹ किलैकि जब भंगारी ठैरांण वली वाचा तेजोमय छै, जु अपड़ा लुखुं तैं पिता परमेश्वर का संमणी धर्मी बणांद और भि जादा महिमामय च अर व और भि तेजोमय किलै नि होली?

2 कुरिन्थि 3:9 ပူးပေါင်းရင်းမြစ်များ

रोमियों 4:11

हाँ, या बात सच्‍च च कि पिता परमेस्वर न वेतैं पैलि स्वीकार कैरिके धरमी ठैरै दिनी, जब कि वे बगत वेको खतना भि नि होयुं छौ। अर इन वेन इलै कैरी, किलैकि पितर अब्राहम न वे पर बिस्वास कैरी। इलै खतना करण हमरा पितर अब्राहम खुणि एक चिन्‍न छौ, ताकि पितर अब्राहम ऊं सभ्यों को बुबा बणि जौ, जु पिता परमेस्वर पर बिस्वास त करदा छिन, मगर अपणु खतना नि करौन्दिन। इलै वु सब लोग अपणा बिस्वास करण की वजै से ही पिता परमेस्वर की नजर मा धरमी मणै जनदिन।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 15:41

अर आसमान मा रौण वळो की चमक अलग-अलग किसम की होन्दी, सूरज कि चमक अलग होन्दी, अर चाँद की चमक अलग होन्दी। इख तक की तारों की चमक भि अलग-अलग किसम की होन्दी, हाँ एक तारे की चमक तेज होन्दी, त दुसरे की कम।

2 कुरिन्थि 3:8

हे मेरा भै-बैंणो, त अब इन सोचा कि पवित्र आत्मा का द्‍वारा मिलण वळा कानून की दिब्य चमक कथगा जादा होलि?

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।