2 कुरिन्थि 3:6 - Garhwali6 अर या बात सच्च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्वारा पूरु होन्दु। किलैकि लिख्यां कानून का द्वारा मौत की सजा औन्दी, मगर पवित्र आत्मा का द्वारा हमतै सदनि को जीवन मिलदु। အခန်းကိုကြည့်ပါ။गढवली नयो नियम6 जैल हम तैं नई प्रतिज्ञा का सेवक हूंणै की क्षमता द्ये, मूसा की व्यवस्था का सेवक हूंणै की न पर पवित्र आत्मा की; किलैकि मूसा की व्यवस्था तैं नि मनणु कु नतीजा त मौत च, पर पवित्र आत्मा अनन्त जीवन दींद। အခန်းကိုကြည့်ပါ။ |
2 कुरिन्थि 3:6
45 ပူးပေါင်းရင်းမြစ်များ
हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।
अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्वे किलैकि मि यीशु मसीह को सेवक छौं।
अर मौत तैं लेके औण वळा कानून त ढुंगो की पाटि पर लिखे गै छा, जु कि परमेस्वर का दिब्य तेज का द्वारा हमरा पितर मूसा तैं दिये गैनी। अर वे बगत परमेस्वर का रैबर्या मूसा को मुख भि वेका तेज से चमकदु छौ, अर भले ही वा चमक जरा-जरा कैरिके खतम ह्वे गै मगर फिर भि इस्राएली लोग वीं चमक की वजै से पितर मूसा का मुख जनै देखि नि सकिनी।
हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।
हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।
ကြော်ငြာတွေ