2 कुरिन्थि 2:15 - Garhwali

^15-16 इलै यू रैबार भि एक इतर कि तरौं लोगु का बीच मा फैलणु च। अर जु लोग हमरा द्‍वारा शुभ समाचार पर बिस्वास करदिन वु अपणा-अपणा पापों तैं छोड़ि के बचि जनदिन, किलैकि हम ऊंतैं वीं सच्‍चै का बारा मा बतौन्द्‍यां ज्वा कि यीशु मसीह का द्‍वारा परमेस्वर बटि मिलण वळा सदनि का जीवन की तरफा लेके जान्दी। मगर जु लोग वेतैं स्वीकार नि करदिन ऊ सब पिता परमेस्वर बटि दूर होणा छिन, किलैकि वु नास होण वळा बाटा पर चलणा छिन जु की ऊंतैं सदनि की मौत कि तरफा लेके जाणु च। अर कुई भि मनखि ईं जबाबदारी तैं पूरु करण का काबिल नि च।

गढवली नयो नियम

¹⁵ किलैकि हम पिता परमेश्वर कु मसीह का द्वारा जल्यां धूप का जन छा; हमारा द्वारा जु प्रचार हूंद व खबर सभि लुखुं मा फैली खुशबु का जन च, ऊंका बीच जु लोग बच जंदींनि अर जु लोग नि बचदींनि।

2 कुरिन्थि 2:15 ပူးပေါင်းရင်းမြစ်များ

1 कुरिन्थि 1:18

अर या सच्‍चि बात च कि जु लोग नास होण वळा बाटा पर चलणा छिन, ऊ इन सोचदिन कि यीशु मसीह को क्रूस पर मुरण की घटना बेकार च। मगर बचयै जाण वळा लोगु खुणि या परमेस्वर की ताकत च।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

2 थिस्सलुनीकी 2:10

अर जु लोग नास होण वळा बाटा पर चलणा छिन, ऊंतैं अपणा जाल मा फसौणु खुणि पाप को पुत्र हरेक किसम का बुरा काम करलु। तब वु वेका जाल मा फंसी जाला, किलैकि ऊंन परमेस्वर का सच्‍चा प्यार तैं अपणा जीवन मा स्वीकार नि कैरी। अर अगर जु वु यीशु तैं स्वीकार कैरी देन्दा, त ऊंतैं बचयै जान्दु।