2 कुरिन्थि 2:14 - Garhwali

¹⁴ अर सबसे पैलि मि पिता परमेस्वर को धन्यवाद करदु जु कि एक नेता की तरौं हमेसा हमरा अगनै-अगनै चलदु, अर वेन हम सभ्यों तैं यू मौका दिनी कि हम वेका पिछनै-पिछनै चला। अर जन इतर कि खुशबु सब जगा फैली जान्दी, ठिक उन्‍नि पिता परमेस्वर हमतै अपणा सच्‍चा ज्ञान का द्‍वारा शुभ समाचार तैं फैलाण मा मदद करदु।

गढवली नयो नियम

¹⁴ पर पिता परमेश्वर कु धन्यवाद हो, हमारा सम्बंध मसीह का दगड़ी हूंणा का कारण, उ हमेशा हम दगड़ी रौंद अर हम तैं जीत दिलांद। यांको मतलब च कि हम जख भि जांदा, हम शुभ संदेश का प्रचार की खुशबु तैं फैलौंदां कि सभि लोग पिता परमेश्वर तैं जांणा अर सूंणा।

2 कुरिन्थि 2:14 ပူးပေါင်းရင်းမြစ်များ

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

रोमियों 1:8

सबसे पैलि मि तुम सभ्यों का खातिर अपणा यीशु मसीह का द्‍वारा पिता परमेस्वर तैं धन्यवाद देन्दु, किलैकि तुमरा बिस्वास की चर्चा पूरि दुनियां मा होणी च।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

रोमियों 6:17

पर पिता परमेस्वर को धन्यवाद हो कि एक बगत छौ, जब तुम लोग पाप का गुलाम छा, तभि भि तुमुन शुभ समाचार की शिक्षा को पूरु पालन कैरी ज्वा की तुमतै सिखये गै।

रोमियों 8:37

मगर यों सब बातों का बारा मा हम यीशु मसीह का द्‍वारा, जैन हम से प्यार कैरी हरेक बात मा जीत हासिल करद्‍यां।

1 कुरिन्थि 12:8

जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

1 कुरिन्थि 15:37

अर जब तुम ग्यूँ का बीज तैं बुतद्‍यां, तब तुम पौद नि लगौन्द्‍यां, मगर बीज ही बुतद्‍यां।

1 कुरिन्थि 15:57

मगर हम त पिता परमेस्वर को धन्यवाद देन्द्‍यां, किलैकि उ हमतै प्रभु यीशु मसीह का द्‍वारा जीत हासिल करौन्दु।

2 कुरिन्थि 1:11

अर हम तुम पर भि भरोसा करद्‍यां, किलैकि तुम लोग हम खुणि प्रार्थना करद्‍यां, किलैकि पिता परमेस्वर प्रार्थनाओं को जबाब देन्दु अर हमतै संकट से बचौन्दु। तब भौत सा लोग हमरा खातिर परमेस्वर को धन्यवाद द्‍याला।

2 कुरिन्थि 8:16

हे मेरा भै-बैंणो, इलै मि तीतुस तैं तुमरा पास फिर से भेजणु छौं। अर मि पिता परमेस्वर को धन्यवाद देन्दु किलैकि वेका बदौलत ही तीतुस भि दिल से तुमरि उथगा ही चिन्ता-फिकर करदु जथगा मि करदु।

2 कुरिन्थि 9:15

अर हमरा प्रभु यीशु का खातिर पिता परमेस्वर को धन्यवाद हो, जैको बखान हम शब्दों मा नि कैरी सकद्‍यां।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

इफिसुस 5:20

अर हरेक बात खुणि हमरा प्रभु यीशु मसीह का नौ से पिता परमेस्वर को हमेसा धन्यवाद कना रा।

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

कुलुसी 1:6

अर अब यू ही शुभ समाचार पूरि दुनियां मा खूब फैलणु च, अर यू ठिक उन्‍नि फैलणु च जन कि यू पैलि बार तुमरा बीच मा फैली छौ। हाँ, ठिक उन्‍नि जब तुमुन सच्‍चै से पिता परमेस्वर की किरपा का बारा मा सुणी, अर वेका बारा मा समझि भि छौ।

कुलुसी 2:15

अर यीशु मसीह न सासन करण वळी, अर अधिकार रखण वळी सब बुरी ताकतों पर क्रूस का द्‍वारा जीत हासिल कैरिके ऊंको खुलाआम तमसो बणै दिनी।

1 थिस्सलुनीकी 1:8

अर इन ह्‍वे, कि तुमरा इख बटि प्रभु का वचन की चर्चा ना केवल मकिदुनिया अर अखया का मुलक मा फैली, बल्किन मा सब जगा का लोगु तैं इन भि पता चलि गै कि तुमरो परमेस्वर पर कथगा बिस्वास च। इलै हमतै कुछ भि बोन्‍ने की जरुरत नि च।

1 थिस्सलुनीकी 3:9

अर तुमरि वजै से परमेस्वर का समणि ज्वा खुशी हम मैसूस कन छां, वां खुणि हम परमेस्वर को जथगा भि धन्यवाद द्‍यूला उ भि कम ही च।

1 तीमुथियुस 2:8

अर मि यू चान्दु छौं, कि बैख हर जगा मा गुस्सा अर घपरोळ तैं छोड़ि के पवित्र दिल से अपणा हाथों तैं उठे के प्रार्थना कैरो।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

दिब्य दरस 7:12

“हे मेरा परमेस्वर, तुमरि तारीफ, अर तुमरा आदर-सम्मान, अर तुमरो ही धन्यवाद सदनि तक होणु रौ, तुमरो ज्ञान, अर तुमरि ताकत अर तुमरा सामर्थ की बडै सदनि तक होणी रौ। आमीन।”