2 कुरिन्थि 2:1 - Garhwali

¹ इलै हे मेरा भै-बैंणो मिन इन फैसला कैरियाली, कि ईं दुसरि यात्रा का दौरान मिन तुमरा बीच मा नि औण, किलैकि मि नि चान्दु कि मि तुमरा बीच मा ऐके तुमतै उदास कैरुं।

गढवली नयो नियम

¹ मिल अपड़ा मन मा यु ही ठांणी छो कि फिर तुम मा उख ऐ के तुम तैं दुःख नि दयुलु।

2 कुरिन्थि 2:1 ပူးပေါင်းရင်းမြစ်များ

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

खास चेलों 15:2

तब पौलुस अर बरनबास की ऊं लोगु का दगड़ा मा ईं बात का बानो वाद-विवाद ह्‍वे, अर यू वाद-विवाद कुछ जादा ही बढी गै। तब बिस्वासी समुदाय का लोगु न ये सवाल का जबाब तैं पौण का बानो पौलुस अर बरनबास तैं अर ऊंका दगड़ा मा बिस्वासी समुदाय का कुछ और लोगु तैं यरूशलेम नगर कू भेजि, ताकि ऊ उख जैके खास चेलों अर अध्यक्षों बटि ईं बात को जबाब पै सैका।

खास चेलों 15:37

अर बरनबास इन चान्दु छौ, कि यूहन्‍ना जै खुणि मरकुस बुल्दिन वेतैं दगड़ा लि जौ।

1 कुरिन्थि 2:2

किलैकि जब मि तुमरा दगड़ा मा छौ, त मिन इन ठाणियालि छौ कि यीशु मसीह अर वेको क्रूस पर चड़ये जाण तैं छोड़ि के, और कैं दुसरि बात मा तुमरो ध्यान तैं नि जाण द्‍यूं।

1 कुरिन्थि 4:21

अब मितैं इन बता कि तुम क्या चन्द्‍यां? क्या मि तुमरा पास जांठु लेके औंऽऽ? या फिर प्यार अर नमर सभौ रखी के?

1 कुरिन्थि 5:3

अर अभि मि तुमरा बीच मा नि छौं, मगर मेरु मन तुम पर ही लग्यूं च, अर जै मनखि न यू काम कैरी उ मेरी नजर मा दोषी ठैरि गै, अर इन समझा कि मि उखि मौजूद छौं।

2 कुरिन्थि 1:23

अर मि तुमतै बतै देन्दु कि मि तुमरा पास कुरिन्थि नगर मा इलै नि औंऽऽ, ताकि तुम मेरी फटकार से बचि जा, अर या बात सच्‍च च अर यां को गवा पिता परमेस्वर च।

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

2 कुरिन्थि 2:4

अर जब मिन तुम खुणि पैलि चिठ्‍ठी लिखी छै, त वे बगत मि अपणा मन मा भौत परेसान अर दुखी छौ, अर रुवे-रुवे के वा चिठ्‍ठी मिन तुम खुणि लिखीं छै। अर मिन अपणी पैलि चिठ्‍ठी तुमतै दुख देणु खुणि नि लिखी छै, बल्किन मा ईं बात तैं याद दिलौणु खुणि लिखी छै कि मि तुम से कथगा प्यार करदु।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।