2 कुरिन्थि 12:2 - Garhwali

² अर मि यीशु मसीह पर बिस्वास करण वळु भक्‍त छौं, अर चौदह साल पैलि मितैं चाँद, तारों से भि मथि पिता परमेस्वर का पास स्वर्ग मा उठये गै। अर वे बगत मितैं सरील समेत उठये गै या बगैर सरील का यां का बारा मा मितैं अच्छे से पता नि च, मगर पिता परमेस्वर ईं बात का बारा मा भौत अच्छे से जणदु।

गढवली नयो नियम

² मि एक इन आदिम तैं जंणदु छो, जु मसीह पर विश्वास रखद, मसीह तैं चौदह साल पैली स्वर्ग मा उठै गै जख पिता परमेश्वर रौंद। मि नि जंणदु की उ अपड़ा देह मा छो, या भस आत्मा मा छो, यु भस पिता परमेश्वर ही जंणद।

2 कुरिन्थि 12:2 ပူးပေါင်းရင်းမြစ်များ

लूका 24:51

अर उ ऊंतैं आसीस देणु ही छौ, कि यीशु ऊं से अलग ह्‍वे गै अर स्वर्ग मा उठये गै।

यूहन्ना 6:56

इलै जु कुई मेरु बदन तैं खान्दु अर मेरु ल्वे तैं पीन्दु च, उ मि मा अर मि वेमा बसदु छौं।

खास चेलों 14:6

मगर ऊंतैं ईं बात का बारा मा पता चलि गै, तब ऊ लुकाउनिया मुलक का लुस्‍त्रा अर दिरबे नगरों मा अर आस-पास का गौं मा चलि गैनी।

खास चेलों 22:17

“हे मेरा भै-बैंणो, जब मि यरूशलेम नगर मा वापिस ऐके मन्दिर मा प्रार्थना कनु छौ, त वे बगत मि अपणी सुद मा नि छौ।

रोमियों 16:10

अर अपिल्‍लेस भै तैं भि मेरु सलाम, जु कि एक भलु मनखि च अर यीशु मसीह वेतैं स्वीकार करदु। अर अरिस्तुबुलुस भै का घौर का सब बिस्वासी लोगु तैं भि मेरु सलाम।

रोमियों 16:3

प्रिस्का बैंण अर वींका पति अक्‍किला तैं मेरु सलाम, यू लोग यीशु मसीह की सेवा करण मा मेरा दगड़्या छिन।

रोमियों 16:7

मेरा दगड़ा जेलखाना मा रौण वळा मेरा रिश्तेदार अन्द्रुनीकुस अर यूनीयास भै तैं मेरु सलाम, यीशु का खास चेलों मा बटि यू भौत खास लोग छिन। अर मेरा बिस्वास करण से भि पैलि यू लोग यीशु मसीह पर बिस्वास करदा छा।

रोमियों 16:9

अर उरबानुस भै तैं भि मेरु सलाम, जु कि यीशु मसीह की सेवा मा मेरी मदद करण वळु च। अर मेरा प्यारा भै इस्तखुस तैं भि मेरु सलाम।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

2 कुरिन्थि 11:11

अर इन मि इलै बोन्‍नु छौं किलैकि मि तुम से भौत प्यार करदु, अर ईं बात का बारा मा पिता परमेस्वर भौत अच्छे से जणदु।

2 कुरिन्थि 13:5

इलै हे मेरा दगड़्यों, अपणी-अपणी जाँच-पड़ताल कैरा कि तुम बिस्वास मा छैं भि छाँ कि ना, अर आज तुम क्या छाँ वांको सबूत द्‍या। क्या तुमतै इन पता नि च कि यीशु मसीह तुमरा दगड़ा मा एक ह्‍वेके रौन्दु? अर अगर वु तुम मा नि च, त येको मतलब यू च कि तुम मा खोट च।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

गलातियों 1:22

अर यहूदिया मुलक मा समुदाय का जु लोग यीशु मसीह पर बिस्वास करण वळा छा, ऊंन मितैं पैलि कभि नि देखि छौ।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

इफिसुस 4:10

अर वु जु की अधलोक मा गै उई च जु कि आसमान मा मथि चैड़ि, ताकि वु सभ्यों तैं भरपूर कैरी द्‍यो।

1 थिस्सलुनीकी 4:17

तब वेका बाद जु हम वे बगत पर ज्यून्दा अर बच्यां रौला, त ऊंका दगड़ा मा बादळु मा मथि उठये जौला, ताकि प्रभु बटि हम आसमान मा मिली सैका अर तब सदनि खुणि हम प्रभु का दगड़ा मा रौला।

इब्रानी 4:14

हे मेरा प्यारा भै-बैंणो, हम जणदा छां कि हमरा पास एक महा पुरोहित च जु की सबसे महान च। अर उ पिता परमेस्वर को पुत्र यीशु मसीह च, जु कि वेका पास आसमान मा मथि उठये गै।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।

दिब्य दरस 1:10

अर प्रभु की भक्‍ति का दिन मा एक बार मि पवित्र आत्मा की ताकतळ भरपूर ह्‍वे ग्यों। अर मिन अपणा पिछनै एक बिगुले की तेज आवाज सुणी,

दिब्य दरस 12:5

अर वीं जनानि न एक नौना तैं जनम देई, जु की सब राज्यों पर लोखरो जांठु लेके बड़ी सख्‍तै से सासन करलु। अर वे नौना तैं तुरन्त परमेस्वर अर वेकी राजगद्‍दी का पास उठये गै।

दिब्य दरस 4:2

अर मि तुरन्त पवित्र आत्मा से भरपूर ह्‍वे ग्यों, अर मिन देखि कि स्वर्ग मा एक राजगद्‍दी रखी च अर वे पर कुई बैठयूं च।