2 कुरिन्थि 11:9 - Garhwali

⁹ अर जब मि तुमरा बीच मा छौ त वे बगत मितैं भौत चीजों की जरुरत छै, मगर मिन तुम लोगु तैं जरा भि परेसान नि कैरी। अर जब मकिदुनिया मुलक बटि कुछ बिस्वासी लोग ऐनी, त वे बगत ऊंन मेरी जरुरतों तैं पूरु कैरी। अर वे बगत मिन पूरि कोसिस कैरी कि मि तुम पर बोझ नि बणु अर अगनै भि मेरी इन्‍नि कोसिस राली कि मि तुम पर बोझ नि बणु।

गढवली नयो नियम

⁹ अर जब तुम्हरा दगड़ी छो, अर मि तैं धन की कमी छै, त मिल कै पर भि बोझ नि डाली, किलैकि विश्वासी भयों ल, मकिदुनिया प्रान्त बट्टी ऐ के मेरी घटि तैं पूरो कैरी; अर मिल हर बात मा अपड़ा आप तैं कै भि ढंग ल तुम कु मुसिबत बनण ल बचु, अर मि भविष्य मा भि तुम पर बोझ नि बणलु।

2 कुरिन्थि 11:9 ပူးပေါင်းရင်းမြစ်များ

खास चेलों 18:3

अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

खास चेलों 18:5

अर जब सीलास अर तीमुथियुस मकिदुनिया मुलक बटि ऐनी, तब पौलुस प्रभु का वचन तैं सुनौण मा अपणु पूरु बगत लगौण लगि गै, अर यहूदियों तैं गवै दे देके इन साबित कनु रै कि यीशु ही मसीह च।

खास चेलों 20:33

अर मिन कभि भि कै का सोना-चांदी या कपड़ों को लालच नि कैरी।

रोमियों 15:26

किलैकि मकिदुनिया अर अखया मुलक का बिस्वासी लोगु न चन्दा इकट्‍ठा कर्युं च, अर या बात ऊंतैं अच्छी लगि कि ऊ यरूशलेम नगर का बिस्वासी लोगु मा बटि जु लोग गरीब छिन ऊंकी मदद कैरा।

1 कुरिन्थि 16:17

अर तुमरा इख बटि भै स्तिफनास, फूरतूनातुस अर अखइकुस मितैं मिलणु खुणि ऐनी अर ईं बात से मितैं भौत खुशी मिली, किलैकि ऊंन तुमरा इख नि होण की कमी तैं पूरु कैरियाली।

2 कुरिन्थि 6:4

मगर हम हरेक बगत इन दिखौन्द्‍यां कि हम लोग बड़ी इमानदारी से पिता परमेस्वर कि सेवा करद्‍यां, अर चै कन्दरि भि बात किलै नि ह्‍वे जौ, या दुख-तकलीफ को बगत हो या बगत बड़ु कठिन हो, या मुस्किल पर मुस्किल औणी हो, पर फिर भि सबर रखी के सेवा का काम मा लग्यां रौन्द्‍यां।

2 कुरिन्थि 9:12

हे मेरा भै-बैंणो, तुम ईं बात तैं याद रखा कि जौं बिस्वासी लोगु की मदद खुणि यू दान जमा किये जाणु च, वेका बदला मा वु लोग तुम खुणि अर तुमरा ये काम खुणि पिता परमेस्वर को धन्यवाद करला।

फिलिप्पी 2:25

पर फिर भि मितैं यू जरुरी लगदु कि मि तुमरा पास इपफ्रुदीतुस भै तैं वापस भेजूँ, अर उ मसीह मा मेरु एक भै का जन अर सेवा का काम मा मेरा दगड़ा मा एक सिपै का जन काम करण वळु च। अर तुम लोगु न मेरी जरुरतों तैं पूरु करणु खुणि अपणा खास आदिम का रुप मा वेतैं मेरा पास भेजि छौ, ताकि उ मेरी मदद कैरी सैको।

1 थिस्सलुनीकी 2:6

अर हमुन कै बटि कुई भि आदर-सम्मान नि चै। नऽ त तुम लोगु बटि, अर ना ही कै दुसरा बटि, जब कि यीशु मसीह का खास चेला होण का नाता हमरु यू अधिकार छौ, कि हम अपणु भार तुम पर डलदा,

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

इब्रानी 11:37

अर बिस्वास करण वळा कुछ लोगु तैं ढुंगे गै अर जान से मरे गै। अर कुछ लोगु का सरील तैं दुई हिस्सों मा चिरे गै, अर कुछ लोगु तैं तलवार का द्‍वारा मरे गै। अर कुछ लोग इन्द्रया भि छा जौन भेड़-बखरों की खाल पैरि के अपणा दिन कटिनी। अर कुछ लोगु न गरीबी की हालत मा अपणा दिन कटिनी अर दुख-मुसीबत अर बुरु बरतौ भि सै।