2 कुरिन्थि 11:27 - Garhwali

²⁷ हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।

गढवली नयो नियम

²⁷ पर मिल ऊं बट्टी कई जादा मेहनत कैरी; बार-बार बिज्यां रौंण मा; भूख-तीस मा; बार-बार भूखो रै के उपवास रखण मा भि; झाैड़ मा; बिज्यां रौंण मा।

2 कुरिन्थि 11:27 ပူးပေါင်းရင်းမြစ်များ

मत्ती 17:21

[पर खबेस तैं निकळणु खुणि प्रार्थना अर उपवास कि जरुरत होन्दी।]

खास चेलों 14:23

अर ऊंन हरेक बिस्वासी समुदाय मा जैके ऊं लोगु खुणि अध्यक्ष चुणी के ठैरैनी, अर उपवास अर प्रार्थना कैरिके ऊं अध्यक्ष तैं प्रभु का हाथों मा सौंपी दिनी, जै पर ऊंन बिस्वास कैरी छौ।

खास चेलों 20:31

इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।

1 कुरिन्थि 7:5

अर ये हक तैं पूरु करणु खुणि तुम दुईया का दुई एक-दुसरा से अलग नि रा, अगर जु तुम अलग होणा छाँ त प्रार्थना खातिर इन कैरा, पर यां मा भि तुम दुईयों की रजामंदी होण चयेणी। अर वेका बाद फिर से एक ह्‍वे जा, ताकि शैतान तुमरा सबर रखण की वजै से कखि तुमतै भकलै नि द्‍यो।

2 कुरिन्थि 11:23

अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्‍वे किलैकि मि यीशु मसीह को सेवक छौं।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

फिलिप्पी 4:12

मि गरीबी की हालत मा गुजर-बसर करण, अर भरपूरी मा भि जीवन जीण जणदु छौं। अर मिन हरेक बात अर हरेक दसा मा रौण भि सिख्यालि, अर जब पुटगी भुरीं रौन्दी या जब भूक लगि रौन्दी तब कन लगदु यू भि मि जाणि ग्यों। अर जब सब कुछ होन्दु या कुछ नि रौन्दु, त यां का बारा मा भि मि भौत अच्छे से जणदु छौं।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

2 थिस्सलुनीकी 3:8

अर हमुन मुफत मा कै की रुट्‍टी नि खै, पर दिन-रात खून पसीना बुगै के मेनत कैरी, ताकि कै खुणि हम भारु नि बणि जां।

इब्रानी 11:37

अर बिस्वास करण वळा कुछ लोगु तैं ढुंगे गै अर जान से मरे गै। अर कुछ लोगु का सरील तैं दुई हिस्सों मा चिरे गै, अर कुछ लोगु तैं तलवार का द्‍वारा मरे गै। अर कुछ लोग इन्द्रया भि छा जौन भेड़-बखरों की खाल पैरि के अपणा दिन कटिनी। अर कुछ लोगु न गरीबी की हालत मा अपणा दिन कटिनी अर दुख-मुसीबत अर बुरु बरतौ भि सै।