2 कुरिन्थि 11:25 - Garhwali

²⁵ अर तीन बार त मि जांठों ही जांठों पीटयों, अर एक बार मि पर ढुंग्यो किये गै। अर तीन बार इन ह्‍वे कि मि जाज मा सफर कनु छौ, त जाज अधा समुन्दर मा ही टूटी गै अर एक रात अर एक दिन मिन समुन्दर का बीचों-बीच काटी।

गढवली नयो नियम

²⁵ तीन बार मिल सिटगे की मार खै; एक बार मि पर ढुगलयो हवे; तीन बार पांणी का जहाज कै पर मि चढ़ी छो, टुट गै; एक दिन अर एक रात मिल समुद्र मा काटि।

2 कुरिन्थि 11:25 ပူးပေါင်းရင်းမြစ်များ

मत्ती 20:19

अर वु लोग मनखि का पुत्र तैं ऊं लोगु का हवाला कैरी द्‍याला जु कि यहूदी जाति का नि छिन, ताकि वु लोग वेको मजाक उड़ा, अर कोड़ा मारा, अर क्रूस पर चड़ै द्‍या, पर सुणा, उ तिसरा दिन ज्यून्दु ह्‍वे जालु।”

मत्ती 21:35

पर किसानों न वेका नौकरों तैं पकड़ी के मारी-पीटि, अर कै पर ढुंग्यो लगै, अर कैतैं त जान से ही मारी दिनी।

खास चेलों 14:19

मगर कुछ यहूदी जाति का लोग अन्ताकिया अर इकुनियुम नगरों बटि ऐनी, अर ऊंन कुछ लोगु तैं अपणी तरफा कैरी दिनी। तब ऊंन पौलुस तैं जान से मरण खुणि वेतैं ढुंगे, अर वेतैं मुरयूं समझि के खिखोड़ी के लि गैनी अर नगर से भैर ढोळि दिनी।

खास चेलों 14:5

अर एक दिन इन ह्‍वे, कि यहूदी लोग अर जु यहूदी जाति का नि छा ऊं सब लोगु न अपणा अधिकारी लोगु का दगड़ा मा मिली के पौलुस अर बरनबास को अपमान करण की, अर ऊंतैं ढुंग्योण की जाळसाजि बणै,

खास चेलों 16:33

अर राति का वे ही बगत वु पतरस अर सीलास तैं अफ दगड़ा लि गै अर वेन ऊंका घौ ध्वेनि, अर वेका बाद जेलर न अपणा सब लोगु समेत तुरन्त बपतिस्मा लिनी।

खास चेलों 16:37

मगर पौलुस न ऊंकू बोलि, “हम त रोमी नागरिक छां, ऊंन हमतै बिना कैं गळती का दोषी ठैरै अर सभ्यों का समणि हमतै पिटवै। अर फिर जेलखाना मा डलवै दिनी, त अब वु हमतै सुरक के किलै निकळणा छिन? इन नि ह्‍वे सकदु ऊंकू बोला कि ऊ खुद इख आ अर हमतै इख बटि भैर लि जा।”

खास चेलों 22:24

तब पलटण का सेनापति न हुकम दिनी कि, “येतैं किला का भितर लि जा अर कोड़ा मारी के पूछताछ कैरा, ताकि मितैं इन पता चलि जौ कि आखिर मा यू लोग येका खिलाप मा किलै चिल्‍लाणा छिन।”

इब्रानी 11:37

अर बिस्वास करण वळा कुछ लोगु तैं ढुंगे गै अर जान से मरे गै। अर कुछ लोगु का सरील तैं दुई हिस्सों मा चिरे गै, अर कुछ लोगु तैं तलवार का द्‍वारा मरे गै। अर कुछ लोग इन्द्रया भि छा जौन भेड़-बखरों की खाल पैरि के अपणा दिन कटिनी। अर कुछ लोगु न गरीबी की हालत मा अपणा दिन कटिनी अर दुख-मुसीबत अर बुरु बरतौ भि सै।