2 कुरिन्थि 11:18 - Garhwali

¹⁸ अर भौत सा लोग त इन छिन जु कि अपणी बातों पर बड़ु मोन करदिन, त मि भि अपणी बातों पर बड़ु मोन करलु।

गढवली नयो नियम

¹⁸ जबकि भौत लोग ईं दुनिया का लुखुं का जन घमण्ड करदींनि, त मि भि घमण्ड करुलु।

2 कुरिन्थि 11:18 ပူးပေါင်းရင်းမြစ်များ

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

2 कुरिन्थि 1:17

अर तुमतै क्या लगदु कि मिन या योजना बेमतलब मा बणै छै? अर तुमतै क्या लगदु कि जन दुनियां का लोग योजना बणौन्दिन क्या मि भि उन्‍नि बणौन्दु। अरे, मि इन नि करदु कि उबरि बोला, “हाँ, हाँ इन करण ठिक रालु,” अर उबरि बोला, “ना, ना इन करण ठिक नि च।”

2 कुरिन्थि 11:12

अर तुमरा बीच मा कुछ लोग इन छिन, जु कि बड़ु मोन कैरिके अफ खुणि इन बुल्दिन कि हम भि यीशु मसीह का खास चेला छां। इलै मिन तुम बटि कै भि किसम को दान नि लिनी, ताकि इन्द्रया लोग तैं मौका नि मिलु कि वु हमरा बराबर छिन।

2 कुरिन्थि 12:1

हे मेरा दगड़्यों, मितैं बड़ु मोन करण से कुई फैदा नि च किलैकि या बात मि खुणि खूब नि च। अर अब मि तुमतै प्रभु का द्‍वारा मिल्यां दिब्य दरसनो अर वेका द्‍वारा परगट कियां रैबारों का बारा मा बतौण चाणु छौं।

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

2 कुरिन्थि 12:9

पर प्रभु न मिकू बोलि, “पौलुस, मेरी किरपा ही त्वे खुणि काफी च, किलैकि जब तू कमजोर होन्दी तब मेरी ताकत पूरि तरौं से काम करदी।” इलै प्रभु न मिकू जु कुछ बोलि मि वीं बात की वजै से बड़ी खुशी मणौन्दु अर अपणी ईं कमजोरी पर बड़ु मोन करदु, ताकि लोगु तैं इन पता लगि सैको कि यू यीशु मसीह ही च जु कि मितैं अपणी सेवा करण की ताकत देन्दु।

2 कुरिन्थि 5:16

हे मेरा भै-बैंणो, हम कै भि मनखि का बारा मा इन नि सोचद्‍यां, जन कि ईं दुनियां का लोग सोचदिन। पैलि हम लोगु न भि यीशु मसीह का बारा ठिक उन्‍नि सोची छौ जन कि ईं दुनियां का लोग सोचदिन, मगर अब हम वेका बारा मा इन नि सोचद्‍यां।

1 पतरस 1:24

अर जन कि पवित्रशास्‍त्र मा भि लिख्यूं च कि, “सब मनखि घास की तरौं छिन, अर ऊंकी सुन्दरता घास का फूल का जन च। घास सूखि जान्दु, अर फूल झेड़ी जनदिन।