2 कुरिन्थि 11:17 - Garhwali

¹⁷ अर ये मामला मा मि जु कुछ बोन्‍नु छौं उ प्रभु का दियां अधिकार से ना, बल्किन मा एक नासमझ मनखि का जन बड़ु मोन कैरिके बोन्‍नु छौं।

गढवली नयो नियम

¹⁷ यु बेधड़क मा जु कुछ मि बुल्णु छो, मि उन ही नि बुल्णु छो जन मसीह यीशु चांदो च कि मि बोलु; पर चला मांणी ल्या मूर्खता ही बट्टी बुल्णु छो।

2 कुरिन्थि 11:17 ပူးပေါင်းရင်းမြစ်များ

1 कुरिन्थि 7:12

अर दुसरा लोगु खुणि प्रभु ना, पर मि या बात बुल्दु कि अगर कै बिस्वासी भै कि घरवळी बिस्वास नि करदी हो, अर फिर भि वा अपणा पति का दगड़ा मा रौणु खुणि राजी च, त उ बिस्वासी भै अपणी घरवळी तैं नि छोड़ु।

1 कुरिन्थि 7:25

अर कुंवारियों खुणि मितैं प्रभु बटि कुई आज्ञा नि च मिली, मगर मि तुमतै सला देणु छौं। अर मि पर यकीन किये जै सकदु, किलैकि प्रभु यीशु न मि पर अपणी दया कैरिके मितैं वफादार बणै।

1 कुरिन्थि 7:6

अर मि तुमतै आज्ञा नि देणु, मगर या बात मि तुमतै एक सला का तौर पर बतौणु छौं।

2 कुरिन्थि 11:1

हे मेरा दगड़्यों, जन तुम दुसरा लोगु तैं स्वीकार करद्‍यां जु कि अपणी ही बातों पर बड़ु मोन करदिन, कास, उन्‍नि तुम मितैं भि स्वीकार करदा जब कि मि तुमरि नजर मा एक मूरख मनखि का जन बरतौ करदु।

2 कुरिन्थि 9:4

अर अगर जु मकिदुनिया का बिस्वासी लोग मेरा दगड़ा मा आला, त मि इन नि चान्दु कि ऊ ऐके देखा कि जै दान कि बात किये जाणि छै, उ त जमा ही नि च। अर अगर जु इन होलु, त तब मितैं बड़ी बेजती मैसूस होण अर तुमतै भि अफ पर बड़ी सरम आली।