2 कुरिन्थि 11:15 - Garhwali

¹⁵ अर वेका कई सेवक भि धरमी होण को पूरु ढोंग करदिन, मगर सच्‍चै त या च कि आखिरी का दिन मा ऊंतैं ऊंका कामों को हिसाब से सजा दिये जालि।

गढवली नयो नियम

¹⁵ इलै जु शैतान का सेवक भि धार्मिकता का सेवकों का जन रूप धारा, त ऊंको अन्त ऊंका कामों का अनुसार होलो।

2 कुरिन्थि 11:15 ပူးပေါင်းရင်းမြစ်များ

खास चेलों 13:10

“हे शैतान की औलाद, अर सब अच्छे का दुसमन तू त झूठ्‍ठों अर धोखा देण वळु छैई, क्या तू प्रभु का सही बाटा बटि लोगु तैं गळत बाटा पर लि जाण कभि नि छोड़ि सकदी?

रोमियों 2:6

अर पिता परमेस्वर हरेक मनखि बटि वेका कामों का मुताबिक हिसाब-किताब ल्यालु।

रोमियों 3:8

अर अगर या सच्‍च च त फिर हम भि बोलि सकद्‍यां कि, “चला, हम सब मिली के बुरै करद्‍यां, ताकि वां से भलै हो?” अर कुछ लोग हम पर इन इळजाम लगै के बुल्दिन, “अरे, यू लोग त बुरै की बातों तैं सिखौन्दिन।” अर न्याय का हिसाबळ जु दण्ड ऊं खुणि रख्युं च, उ ऊंतैं जरुर मिललु।

1 कुरिन्थि 9:11

इलै जब बटि हमुन तुमरा जीवनों मा एक आत्मिक बीज बूति, त क्या बदला मा हम तुम बटि अपणा फैदा खुणि कुछ पौण की आस नि कैर सकद्‍यां?

2 कुरिन्थि 11:13

इन्द्रया लोग यीशु को खास चेला होण को ढोंग करदिन अर झूठ्‍ठा छिन, इन्द्रया लोग बुल्दिन कि हम पिता परमेस्वर खुणि काम कना छां, मगर धोखा देण वळा छिन।

2 कुरिन्थि 11:23

अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्‍वे किलैकि मि यीशु मसीह को सेवक छौं।

2 कुरिन्थि 3:9

अर अगर दोषी ठैराण वळु कानून इथगा चमकदार ह्‍वे सकदु, त फिर वे करार का द्‍वारा मनखि का जीवन मा कथगा चमक ह्‍वेलि, जु कि मनखि तैं पिता परमेस्वर की नजर मा धरमी ठैरान्दु।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

फिलिप्पी 3:19

अर ऊंका हिसाब-किताब मा अब विणास ही लिख्यूं च, अर ऊं खुणि सरील की इच्छा ही ऊंको ईश्‍वर ह्‍वे गै, अर जौं बातों पर सरम औण चयेणी ऊं बातों पर वु बड़ु गर्व करदिन, अर दुनियां की बातों पर अपणु मन लगौन्दिन।

2 पतरस 2:3

अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 13:2

मिन देखि कि उ एक चीता की तरौं छौ, मगर वेका खुटा भालु की तरौं छा, अर वेको मुख शेर की तरौं छौ। अर खुंखार रागस न ये दैंत तैं अपणी सामर्थ, राजगद्‍दी अर अपणु पूरु अधिकार दे दिनी।

दिब्य दरस 9:11

अर अधलोक को दूत ऊं टिड़ियों को राजा छौ। अर इब्रानी भाषा मा वेको नौ अबद्‍दोन अर यूनानी भाषा मा अपुल्‍लयोन च अर यों दुईयों को मतलब इन च कि “विणास करण वळु।”