2 कुरिन्थि 11:11 - Garhwali

¹¹ अर इन मि इलै बोन्‍नु छौं किलैकि मि तुम से भौत प्यार करदु, अर ईं बात का बारा मा पिता परमेस्वर भौत अच्छे से जणदु।

गढवली नयो नियम

¹¹ मिल तुम्हरा रूपया किलै नि लींनि? क्य मिल इन इलै कैरी किलैकि मि तुम बट्टी प्रेम नि करदु? पिता परमेश्वर जंणदु च कि मि तुम बट्टी प्रेम करदु छो।

2 कुरिन्थि 11:11 ပူးပေါင်းရင်းမြစ်များ

यूहन्ना 21:17

अर यीशु न तिसरी दौं वेकू बोलि, “हे यूहन्‍ना का नौना शमौन, क्या तू मि बटि प्यार करदी?” तब पतरस तैं दुख ह्‍वे, किलैकि यीशु न तिसरी दौं वे बटि पूछी छौ कि, “क्या तू मि बटि प्यार करदी?” इलै वेन वेकू बोलि, “हे प्रभु, तुम त सब कुछ जणद्‍यां। अर यू भि जणद्‍यां, कि मि तुम बटि प्यार करदु छौं।” तब यीशु न वेकू बोलि, “मेरी भेड़ों तैं चरो।

खास चेलों 15:8

अर परमेस्वर जु की सब लोगु का विचारों तैं जणदु, जन वेन हमतै पवित्र आत्मा दिनी, ठिक उन्‍नि वेन ऊं लोगु तैं भि पवित्र आत्मा दिनी जु यहूदी जाति का नि छिन। अर वेन इन साबित कैरियाली कि वु ऊंतैं भि स्वीकार करदु।

रोमियों 1:9

अर पिता परमेस्वर जैकी सेवा मि करदु, वेको पुत्र यीशु मसीह मेरु गवा च किलैकि मि वेको शुभ समाचार लोगु का बीच मा सुणौन्दु। अर मि तुमतै लगातार अपणी प्रार्थना मा भि याद कनु रौन्दु।

2 कुरिन्थि 11:10

अर जन सच्‍चै यीशु मसीह मा च वा ही सच्‍चै मि मा भि च, अर ईं बात का खातिर अखया मुलक को कुई भि मनखि मितैं बड़ु मोन करण से रोकी नि सकदु, किलैकि मि प्रभु का वचन तैं तुम लोगु का बीच मा मुफत मा बंटदु।

2 कुरिन्थि 11:31

हमरु पिता परमेस्वर जु कि हमरा प्रभु यीशु मसीह को पिता च, वेकी तारीफ सदनि होणी रौ, उ सब कुछ जणदु की मि झूठ्‍ठ नि बोन्‍नु छौं।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

2 कुरिन्थि 7:3

अर मि या बात तुमतै दोषी ठैराणु खुणि नि बोन्‍नु छौं, किलैकि मिन पैलि तुमतै बतै छौ कि चै हम ज्यून्दा रा या मोरि जा, तुम हमेसा हमरा दिलों मा रैल्या।

इब्रानी 4:13

अर दुनियां मा इन्दरि कुई भि चीज नि च ज्वा कि पिता परमेस्वर की नजर से छिपी हो। अर हम सभ्यों न वेतैं अपणी-अपणी सब बातों को हिसाब-किताब देण च, अर वेकी आंख्यों का समणि सब चीज खुलि अर परगट छिन।

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।