2 कुरिन्थि 10:2 - Garhwali

² अर मि इन उम्मीद करदु, कि जब मि तुमरा बीच मा औलु त मितैं तुमरा दगड़ा मा सख्‍तै नि दिखौण पोड़लि, मगर सायद ऊं लोगु का दगड़ा मा जरुर सख्‍तै दिखौलु, जौं को मनण इन च कि हम दुनियां का तौर-तरीकों से चलद्‍यां।

गढवली नयो नियम

² मि य बिनती करदु, कि कुछ लुखुं ल बोलि, कि हम ईं दुनिया का लुखुं का जन काम करदा; इलै जब मि औलु त मि तैं आस च कि मि तैं ऊं दगड़ी कठोर हूंण पुड़लो। मि दृढ़ता ल निवेदन करदु कि जब मि औलु त मि तैं तुम दगड़ी इन बरतौ नि कन पुड़लो।

2 कुरिन्थि 10:2 ပူးပေါင်းရင်းမြစ်များ

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

रोमियों 8:4

अर यू सब त इलै ह्‍वे, ताकि हम लोग परमेस्वर की नजर मा धरमी जीवन जीण की मांग तैं पूरु कैरी सैका, जु कि नियम-कानून का मुताबिक च। अर खास कैरिके या बात ऊं लोगु मा पूरि हो जु की सरील का मुताबिक ना, बल्किन मा पवित्र आत्मा का मुताबिक चलदिन।

रोमियों 8:5

किलैकि ईं दुनियां मा मनखि दुनियां की बातों पर अपणु मन लगौन्दिन, इलै ऊ अपणा सरील की मनसा का मुताबिक ही चलदिन, मगर जु लोग पवित्र आत्मा का मुताबिक अपणा जीवन तैं चलौण चनदिन, वु लोग अपणु मन पवित्र आत्मा की बातों पर लगौन्दिन।

2 कुरिन्थि 1:17

अर तुमतै क्या लगदु कि मिन या योजना बेमतलब मा बणै छै? अर तुमतै क्या लगदु कि जन दुनियां का लोग योजना बणौन्दिन क्या मि भि उन्‍नि बणौन्दु। अरे, मि इन नि करदु कि उबरि बोला, “हाँ, हाँ इन करण ठिक रालु,” अर उबरि बोला, “ना, ना इन करण ठिक नि च।”

2 कुरिन्थि 11:21

मगर हमुन त तुमरा दगड़ा मा इन कुछ भि नि कैरी, त क्या इलै ही तुम हमतै कमजोर समझद्‍यां? अर अगर ऊंका पास हिम्मत रखी के बड़ु मोन करण की कुई बात च, त मि भि नासमझ मनखि की तरौं हिम्मत रखी के बड़ु मोन करलु। अर जब तुम झूठ्‍ठा लोगु की सुणी सकद्‍यां त अब मेरी भि सुणा,

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

2 कुरिन्थि 13:2

अर अभि त मि तुम से दूर छौं पर तुमतै याद होलु, जब मि तुमरा पास दुसरि दौं ऐ छौ त मिन ऊं लोगु तैं चितै छौ कि वु पाप नि कर्यां, अर अब तुम लोगु जु कि वे बगत ऊंमा सामिल नि छा मि तुमतै भि चितै देन्दु, कि जब मि तिसरी दौं तुमरा पास औलु, त वे पाप करण से क्या सजा मिलदी मि तुमतै बतौलु।