2 कुरिन्थि 10:13 - Garhwali

¹³ पर हम लोग इन नि करद्‍यां, अर अगर जु हम बड़ु मोन करद्‍यां त केवल पिता परमेस्वर की सेवा का काम पर। अर सेवा को जु काम हम तुमरा बीच मा कना छां, वु भि पिता परमेस्वर का द्‍वारा दियां काम को एक हिस्सा च।

गढवली नयो नियम

¹³ हम त वे काम बट्टी भैर जु पिता परमेश्वर ल हम तैं दींनि घमण्ड कभी नि करुला, पर वीं सीमा तक जु पिता परमेश्वर ल हम कु ठैरे, अर वेमा तुम भि ऐ ग्यां अर वेका ही अनुसार घमण्ड भि करीला।

2 कुरिन्थि 10:13 ပူးပေါင်းရင်းမြစ်များ

मत्ती 25:15

अर जु जथगा का लैख छौ वेन ऊंतैं उथगा ही चांदी का सिक्‍का दिनी, एक तैं पांच हजार सिक्‍का, दुसरा तैं दुई हजार सिक्‍का, अर तिसरा तैं एक हजार सिक्‍का दिनी। अर वेका बाद उ खुद परदेस चलि गै।

रोमियों 10:18

मगर मेरु सवाल त यू च, कि क्या लोग न शुभ समाचार तैं नि सुणी? हाँ, ऊंन सुणी च, किलैकि पवित्रशास्‍त्र मा लिख्यूं च कि, “ऊंको रैबार पूरि धरती मा फैली गै, अर ऊंका द्‍वारा बुलयां वचन दुनियां मा चौतरफि फैली गैनी।”

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

रोमियों 12:6

अर वेका मुताबिक ज्वा किरपा हम पर किये गै, हमतै अलग-अलग दान-बरदान मिल्यां छिन। इलै जैतैं भविष्यबाणी करण को बरदान मिल्यूं च वु मनखि बिस्वास का मुताबिक वेको इस्तेमाल कैरो।

रोमियों 15:20

पर मेरा मन कि इच्छा या च कि जख-जख यीशु मसीह का नौ को परचार अभि तक नि ह्‍वे, मि उख-उख जैके शुभ समाचार सुणौ, ताकि कखि इन ना हो कि लोग बोला कि यू त दुसरा लोगु का कर्यां काम मा अपणु हक दिखाणु च।

1 कुरिन्थि 12:11

अर यू सब काम एक ही पवित्र आत्मा का द्‍वारा होनदिन। अर पिता परमेस्वर कै मनखि तैं क्या बरदान देण चाणु यू सब वु अपणी मनसा का मुताबिक ही करदु।

इफिसुस 4:7

हे मेरा भै-बैंणो, यीशु मसीह न अपणा दान का मुताबिक हम सभ्यों पर अपणी किरपा कैरी

1 पतरस 4:10

अर पिता परमेस्वर की किरपा से जु-जु दान-बरदान तुमतै मिल्यां छिन, ऊं दान-बरदानों को इस्तेमाल एक-दुसरा की सेवा मा कैरा, अर एक अच्छु सेवक बणा।