2 कुरिन्थि 1:6 - Garhwali

⁶ इलै जब हम दुख-तकलीफ उठौन्द्‍यां, तब वां से हम इन सिखद्‍यां कि हमुन तुमतै कनकै दिलासा देण। अर जब हमतै आराम मिलदु, त हम यू सिखद्‍यां कि तुमतै भि आराम मिलु। अर इनकै तुम सबर रखी के ऊं दुख-तकलीफो तैं चुपचाप से स्वीकार करद्‍यां त यां से इन पता चलदु, कि तुम लोग भि हम जन बिस्वास मा मजबूत होण लगि ग्यां।

गढवली नयो नियम

⁶ जु हम पर मुसिबत आंदी, त य तुम्हरी शान्ति अर उद्धार कु च अर जु हम शान्ति पौंदयां, त यु तुम्हरी शान्ति कु च; जैका प्रभाव बट्टी तुम धीरज का दगड़ी ऊं दुःखों तैं सै लींदियां, जौं तैं हम ल भि सै।

2 कुरिन्थि 1:6 ပူးပေါင်းရင်းမြစ်များ

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

2 कुरिन्थि 1:4

अर जब दुख-तकलीफ हमरा जीवन मा औन्दिन, त प्रभु हमतै दिलासा देन्दु। अर इन उ इलै करदु, ताकि हम भि ऊंतैं दिलासा दे सैका जु लोग दुख-तकलीफो मा छिन।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 5:5

अर यू त केवल पिता परमेस्वर ही च जैन कि हमतै ये ही मकसद खुणि बणै, अर बयना का रुप मा अपणु पवित्र आत्मा को दान हमतै देई।

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।

इफिसुस 3:13

हे मेरा दगड़्यों, तुमरा खातिर जु दुख मि झिलणु छौं, मि तुम से बिन्ती करदु कि तुम मेरा दुख की वजै से निरास नि ह्‍वा। अर पिता परमेस्वर ये बगत मा तुमतै ताकत द्‍यो अर तुम वेमा और भि जादा बढदी जा, किलैकि दुख का ये बगत मा ही तुमरि बडै होन्दी।

फिलिप्पी 1:19

किलैकि मि जणदु छौं कि तुम लोगु की प्रार्थनाओं का द्‍वारा अर यीशु की पवित्र आत्मा की मदद से मितैं छुटकारु मिललु।

2 तीमुथियुस 2:10

अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।