2 कुरिन्थि 1:5 - Garhwali

⁵ किलैकि यीशु मसीह की सेवा करण की वजै से जु दुख-तकलीफ हमतै झिलण पोड़दिन, यीशु मसीह वेका बदला मा हमतै और भि जादा दिलासा देन्दु।

गढवली नयो नियम

⁵ किलैकि जन मसीह का दुःख जन के हम पिड़ा सौंदयां उन ही के मसीह ल भि पिड़ा सै, उन ही हम शान्ति मा भि मसीह का द्वारा जादा हिस्सादार हून्दियां।

2 कुरिन्थि 1:5 ပူးပေါင်းရင်းမြစ်များ

लूका 2:25

अर यरूशलेम नगर मा शमौन नौ को एक मनखि छौ, जु की धरमी अर भक्‍त छौ। अर उ इस्राएली लोगु का छुटकारा खुणि मसीह को इंतजार कनु छौ, अर पवित्र आत्मा वे पर छौ।

खास चेलों 9:4

अर उ भ्वीं फरके गै अर वेतैं एक आवाज सुणै, “हे शाऊल, तू मितैं किलै सतौणी छैई?”

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

फिलिप्पी 2:1

हे मेरा भै-बैंणो, मि जणदु छौं कि तुम यीशु मसीह पर बिस्वास करद्‍यां, अर वेका द्‍वारा तुमतै प्यार, हौसला अर दिलासा मिलदी। अर वेन तुमरा मनों तैं पवित्र आत्मा का द्‍वारा एक कैरियाली, अर वेन ही तुम पर अपणी किरपा अर दया दिखै।

फिलिप्पी 3:10

अर मि बस इथगा ही चान्दु छौं, कि मि यीशु मसीह तैं अर वेका मुरदो मा बटि ज्यून्द होण की ताकत तैं जाणि सैकु। अर जु दुख अर मौत वेन सै वेमा मि भि भागी ह्‍वे सैकु,

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

2 तीमुथियुस 3:11

अन्ताकिया, इकुनियुम अर लुस्‍त्रा का नगरों मा जु-जु दुख मिन उठैनि, ऊंका बारा मा भि तू जणदी ही छैई। फिर भि प्रभु न मितैं यों सब मुसीबतों बटि छुड़ै।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।