2 कुरिन्थि 1:4 - Garhwali

⁴ अर जब दुख-तकलीफ हमरा जीवन मा औन्दिन, त प्रभु हमतै दिलासा देन्दु। अर इन उ इलै करदु, ताकि हम भि ऊंतैं दिलासा दे सैका जु लोग दुख-तकलीफो मा छिन।

गढवली नयो नियम

⁴ पिता परमेश्वर हमारी सब मुसिबतों मा हम तैं तसल्ली दींद; कि हम वे तसल्ली का कारण जु पिता परमेश्वर हम तैं दींद, ऊं तैं भि तसल्ली दे साक, जु हर ढंग की मुसिबत मा पुड़यां हूंनु।

2 कुरिन्थि 1:4 ပူးပေါင်းရင်းမြစ်များ

यूहन्ना 14:16

अर मि पिता बटि बिन्ती करलु, अर उ तुमतै एक और मददगार द्‍यालु, याने कि सच्‍चै को आत्मा। अर उ सदनि तुमरा दगड़ा मा रालु।

यूहन्ना 14:18

“अर मि तुमतै अनाथ की तरौं नि छुड़लु, पर मि तुमरा पास फिर से औलु।

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

2 कुरिन्थि 7:13

अर ज्वा तारीफ मिन तुमरि तीतुस भै का पास कैरी वां खुणि मितैं सरमिन्दा नि होण पोड़ि, किलैकि ऊ सब बात सच्‍च छै। अर जु कुछ भि तीतुस तैं बतये गै उ सब कुछ तुमुन साबित कैरिके दिखै। अर जब उ तुमरा इख बटि ऐ, त तीतुस का द्‍वारा हमतै बड़ी दिलासा मिली। अर ना केवल दिलासा ही दिलासा, बल्किन मा हमतै बड़ी खुशी ह्‍वे किलैकि तीतुस भौत खुश छौ। अर ईं बात की वजा तुम लोग छाँ, किलैकि तुमुन वेतैं भौत अच्छे से स्वीकार कैरी।

2 कुरिन्थि 7:4

अर मितैं तुम पर पूरु यकीन च, अर तुमतै देखि के मेरु मोन बड़ु ह्‍वे जान्दु। अर तुमरा द्‍वारा मेरा मन तैं बड़ी दिलासा मिलदी, अर हरेक किसम की परेसानी मा भि हमतै बड़ी खुशी मिलदी।

फिलिप्पी 1:14

इलै जादातर भै-बैंणो न जब यू सुणी कि मि कैद मा छौं त वु डौऽरी नि छिन, बल्किन मा ऊंन अपणु बिस्वास प्रभु यीशु पर बणै के रखदिन, अर बड़ी हिम्मतळ परमेस्वर का वचन को परचार करदिन।

1 थिस्सलुनीकी 4:18

इलै यों बातों से एक-दुसरे की हिम्मत बढणा रा।

1 थिस्सलुनीकी 5:11

इलै जन की तुम करदी औणा छाँ एक-दुसरा तैं दिलासा दिणा रा, अर एक-दुसरा की हिम्मत बढा।

इब्रानी 12:12

सुणा, खेल मा खिलाड़ी घैल भि होन्दु मगर तभि भि उ हार नि मणदु, बल्किन मा वे खेल मा अगनै बढणु रौन्दु, ठिक उन्‍नि तुम भि हार नि माणा बल्किन मा अगनै बढणा रा।