2 कुरिन्थि 1:3 - Garhwali

³ हमतै हमरा प्रभु यीशु मसीह का पिता परमेस्वर की तारीफ करण चयेणी, किलैकि उ हमेसा हम पर दया करदु, अर हमरि मदद करदु। अर हर बात मा दिलासा देण वळु परमेस्वर च।

गढवली नयो नियम

³ हमारा प्रभु यीशु मसीह कु अर पिता परमेश्वर कु धन्यवाद हो, जु हम पर दया दिखांद, अर हम तैं हमेशा उत्साहित कन वलो पिता परमेश्वर च।

2 कुरिन्थि 1:3 ပူးပေါင်းရင်းမြစ်များ

यूहन्ना 10:30

मि अर पिता एक ही छां।”

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

2 कुरिन्थि 11:31

हमरु पिता परमेस्वर जु कि हमरा प्रभु यीशु मसीह को पिता च, वेकी तारीफ सदनि होणी रौ, उ सब कुछ जणदु की मि झूठ्‍ठ नि बोन्‍नु छौं।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

इफिसुस 1:17

हमरा प्रभु यीशु मसीह को पिता परमेस्वर जु कि सबसे महान च, उ तुमतै ऊं बातों तैं समझणे की अकल द्‍यो जु कि उ परगट करदु, ताकि तुमतै वेका भेदों तैं बिंगण को सच्‍चु ज्ञान मिली सैको।

इफिसुस 1:3

हमरा प्रभु यीशु मसीह का पिता परमेस्वर की तारीफ हो, जैन हमतै यीशु मसीह का पास औण का बाद पवित्र आत्मा का द्‍वारा हरेक किसमे की आत्मिक आसीस दिईं च।

फिलिप्पी 2:11

अर पिता परमेस्वर की बडै करणु खुणि हरेक जीब स्वीकार कैरो, कि यीशु मसीह ही प्रभु च।

कुलुसी 1:3

हे मेरा भै-बैंणो, जब हम तुम लोगु खुणि प्रार्थना करद्‍यां, त यीशु मसीह का पिता परमेस्वर को धन्यवाद हमेसा देन्द्‍यां,

1 पतरस 1:3

हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

2 यूहन्ना 1:4

अर मितैं यू जाणि के भौत खुशी होन्दी कि तेरा कुछ बच्‍चा सच्‍चै का बाटा पर चलणा छिन, ठिक उन्‍नि जन कि हमतै पिता परमेस्वर की तरफा बटि आज्ञा मिली छै।

2 यूहन्ना 1:9

अर जु मनखि यीशु मसीह की शिक्षा मा बणयूं नि रौन्दु, बल्किन मा वेतैं छोड़ि के दूर चलि जान्दु, त वेका पास परमेस्वर नि च। पर जु मनखि वेकी शिक्षा मा बणयूं रौन्दु, वेका पास पिता अर पुत्र दुई छिन।