1 तीमुथियुस 6:4 - Garhwali

⁴ त उ हर बात मा बड़ु मोन करण वळु च, अर वेतैं कुछ भि पता नि च। अर वु एक शब्द की वजै से की वेको मतलब क्या च भौत बहसबाजी करदु हो, अर इन कैरिके उ जलन रखदु, लड़ै-झगड़ा करदु, अर दुसरा लोगु का बारा मा गळत बुल्दु, अर सक करदु।

गढवली नयो नियम

⁴ त उ भौत घमण्डी छिनी अर कुछ नि जंणदो, बल्कि वे तैं बहस कन कि अर शब्दों पर तर्क कने कि बिमारी च ज्यां ल जलन झगड़ा अर बुरै की बात अर बुरा-बुरा शक पैदा हूंदींनि

1 तीमुथियुस 6:4 ပူးပေါင်းရင်းမြစ်များ

खास चेलों 15:2

तब पौलुस अर बरनबास की ऊं लोगु का दगड़ा मा ईं बात का बानो वाद-विवाद ह्‍वे, अर यू वाद-विवाद कुछ जादा ही बढी गै। तब बिस्वासी समुदाय का लोगु न ये सवाल का जबाब तैं पौण का बानो पौलुस अर बरनबास तैं अर ऊंका दगड़ा मा बिस्वासी समुदाय का कुछ और लोगु तैं यरूशलेम नगर कू भेजि, ताकि ऊ उख जैके खास चेलों अर अध्यक्षों बटि ईं बात को जबाब पै सैका।

खास चेलों 18:15

मगर तुमरो यू वाद-विवाद तुमरि शिक्षा, अर नियम-कानून, अर नौ का खातिर ही होणु च। इलै मि ये झगड़ा को न्याय नि करण चान्दु, किलैकि यू झगड़ा तुम लोगु को च इलै यां की तुम खुद ही निस्तारा।”

खास चेलों 8:9

अर वे नगर मा फिलिप्पुस से पैलि शमौन नौ को एक जादूगर छौ, अर ये जादूगर न अपणा जादु-टोंणा का द्‍वारा उखा सब लोगु तैं घंघतोळ मा डालि के रख्युं छौ। अर यू जादूगर इन दावा करदु छौ, कि मि भि एक महान मनखि छौं।

रोमियों 12:16

अर अपणा आपस मा मेल-जोल से रा अर बड़ु मोन नि कैरा, बल्किन मा ऊं लोगु का दगड़ा मा मेल-जोल कैरा, जौं तैं लोग अकसर कुछ नि समझदिन। अर खुद तैं जादा होसियार समझि के बड़ु मोन नि कैरा।

रोमियों 13:13

अर हमरु सभौ दिन का उज्याळा का जन हो। हाँ, जन दिन को उज्याळु सभ्यों पर चमकदु, ठिक उन्‍नि हमरु सभौ भि हो ताकि वेका द्‍वारा हम सब लोगु खुणि अच्छु सभौ वळा बणि जा। अर नऽ त हमतै मौज-मस्ती करण चयेणी, अर ना ही हमतै नसा करण वळु होण चयेणु। अर नऽ त हमतै गळत सम्बन्ध रखण चयेणा, अर ना भोग-बिलास करण चयेणु, अर नऽ त हमतै कै का दगड़ा मा लड़ै-झगड़ा करण चयेणा, अर ना ही हमतै एक-दुसरा तैं देखि के जलत्यौण चयेणु।

रोमियों 14:1

हे मेरा भै-बैंणो, अगर कुई मनखि बिस्वास मा कमजोर च त वेका दगड़ा मा बहसबाजी नि कैरा, बल्किन मा वेतैं अफ दगड़ा मा ले ल्या।

रोमियों 2:8

मगर जु लोग झगड़ा करण वळा छिन अर सच्‍चै तैं नि मणदिन, बल्किन मा पिता परमेस्वर का खिलाप मा ह्‍वेके काम करदिन, ऊं सब लोगु तैं देखि के पिता परमेस्वर तैं गुस्सा आलु, अर वेको परकोप ऊं पर पोड़लु।

1 कुरिन्थि 11:16

अर अगर कुई आदिम ईं बात की वजै से बहस कन चान्दु हो, त उ इन जाणि ल्यो कि नऽ त हमरा इख इन्द्रयो दस्तूर च, अर ना ही कै दुसरा बिस्वासी समुदाय मा, कि जनानियां परमेस्वर की भक्‍ति का दौरान प्रार्थना या फिर वचन सुनौण का बगत मा अपणा मुण्ड़ पर कपड़ा नि रखदी हो।

1 कुरिन्थि 11:18

किलैकि सबसे पैलि बात त या च, कि मिन तुमरा बारा मा इन सुणी कि जब बिस्वासी लोगु को समुदाय इकट्‍ठा होन्दु, त लोग अपणा आपस मा दल बणौणा छिन। अर जु कुछ भि मितैं पता चलि वामा बटि कुछ-कुछ बातों पर मितैं यकीन च।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

1 कुरिन्थि 3:3

किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

2 कुरिन्थि 11:20

अर जब लोग तुमतै अपणु गुलाम बणै देन्दिन, या तुमरा दगड़ा मा अन्यो करदिन अर तुमतै धोखा देन्दिन, त तुमतै लगदु कि सब कुछ ठिक च अर घबराण कि कुई बात नि च, जब ऊ बड़ु मोन कैरिके तुमकु बुल्दिन तब तुम ऊंका मुताबिक ही करद्‍यां अर जब वु तुम पर थप्पड मरदिन तब भि तुम ऊंकी सौन्द्‍यां।

गलातियों 5:15

अर अगर जु तुम लोग दुसरो तैं एक जानबर की तरौं काटी फाड़ी के खाणु खुणि तयार छाँ, त ध्यान रखा कखि इन नि हो कि तुम एक-दुसरो को नास कैरी द्‍या।

गलातियों 5:26

अर हमतै खुद पर बड़ु मोन नि करण चयेणु, अर ना ही कैतैं चिडौण चयेणु, अर ना ही एक-दुसरा तैं देखि के अपणा मन मा जलन रखण चयेणी।

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

फिलिप्पी 1:15

अर कुछ लोग त जलन अर विरोध करण की वजै से यीशु मसीह को परचार कना छिन, मगर कुछ लोग इन छिन जु कि अच्छी मनसा रखी के परचार कना छिन।

फिलिप्पी 2:14

अर जथगा भि काम तुम कना छाँ वु सब बिना सिकैत कियां, अर बिना वाद-विवाद कियां कैरा,

फिलिप्पी 2:3

अर याद रखा, कि यू सब तुम अपणा फैदा अर झूठ्‍ठी बडै खुणि नि कैरा, मगर नमर बणि के एक-दुसरा तैं अफ से जादा खूब समझा।

कुलुसी 2:18

मेरा दगड़्यों, चौकस रा, कखि कुई मनखि अपणी झूठ्‍ठी शिक्षा का द्‍वारा तुमतै पिता परमेस्वर से मिलण वळा इनाम से बेदखल नि कैरी द्‍यो, किलैकि झूठ्‍ठु मनखि लोगु तैं दिखौणु खुणि दीन बणदु अर स्वर्गदूतों की पूजा करण की बात सिखौन्दु, अर उ इन जोर देन्दु कि तुम भि ठिक इन्‍नि कैरा। अर इन्द्रया झूठ्‍ठा लोग बुलला कि ऊंन पिता परमेस्वर से सुपन्या मा दरसन का द्‍वारा यू ज्ञान पै, इलै ऊ अपणा विचारों पर बड़ु मोन करदिन, मगर सच्‍चै त या च कि ऊंका मनों मा यू विचार परमेस्वर की तरफा बटि नि छिन।

2 थिस्सलुनीकी 2:4

अर येसे पैलि की पाप का पुत्र तैं दण्ड मिलु, उ हमरा परमेस्वर को भि विरोध करलु। अर जौं तैं लोग भगवान समझि के ऊंकी भक्‍ति करदिन, ऊ सभ्यों बटि पाप को पुत्र अफ तैं बड़ु बणालु। अर इख तक की उ परमेस्वर का मन्दिर मा बैठि के परमेस्वर होण को दावा करलु।

1 तीमुथियुस 1:4

अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

1 तीमुथियुस 1:7

अर वु लोग नियम-कानूनों तैं सिखौण वळा बणण चनदिन, पर जु कुछ भि वु बुल्दिन वेका बारा मा नि जणदिन। अर जु कुछ भि वु बड़ा बिस्वास से बुल्दिन, ऊं बातों तैं भि नि समझदिन।

1 तीमुथियुस 3:6

अर उ अध्यक्ष एक नयू बिस्वासी मनखि ना हो, निथर उ भौत बड़ु मोन करलु अर जन दण्ड शैतान तैं मिलण उन्‍नि वेतैं भि मिललु।

2 तीमुथियुस 2:14

हे तीमुथियुस, तू यों सब बातों तैं बिस्वासी लोगु तैं याद करै दे। अर परमेस्वर तैं गवा माणी के ऊंतैं आदेस दे, कि यू लोग पवित्रशास्‍त्र का एक-एक शब्द का बानो बहसबाजी नि कैरा। किलैकि इन कैरिके कुई फैदा नि होन्दु, पर सुनण वळो का बिस्वास मा उळझण पोड़ि जान्दी अर ऊंका बिस्वास को नास ह्‍वे जान्दु।

2 तीमुथियुस 2:23

अर जौं बातों को कुई मतलब नि होन्दु अर जु बेकार की छिन तू इन्द्रया वाद-विवादों से दूर रौ, किलैकि तू जणदी ही छैई कि इन्दरि बातों से झगड़ा होनदिन।

2 तीमुथियुस 3:4

अर वु लोग एक-दुसरा तैं धोखा देण वळा, बिन सोच्यां काम करण वळा, अर अफ तैं दुसरा से बड़ु समझण वळा। अर परमेस्वर तैं प्यार करण वळा ना, बल्किन मा अपणी मौज-मस्ती की इच्छा तैं रखण वळा ह्‍वे जाला।

तीतुस 3:9

मगर फालतु की बकवास, अर पितरों का वंश का बारा मा, अर नियम-कानूनों का बारा मा घपरोळ करण वळो, अर झगड़ा करण वळो से दूर रौ, किलैकि वु बेकार अर कै काम का नि छिन।

याकूब 1:19

हे मेरा प्यारा भै-बैंणो, तुम ईं बात तैं समझि ल्या, कि हरेक मनखि बात सुनणु कू तयार रौ, अर सोची समझि के बुलण वळु अर गुस्सा करण मा कम हो।

2 पतरस 2:12

यू लोग त एक मूरख जानबर का जन छिन, जौं को जनम पकड़ै जाण अर नास होणु खुणि ही होयुं च। अर यू लोग जौं बातों का बारा मा नि जणदिन ऊं बातों का बारा मा दुसरा लोगु कू भलु-बुरु बुल्दिन, यू लोग खुद की ही बातों मा जानबर का जन सैड़ी जाला।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

यहूदा 1:10

पर यू लोग जौं बातों का बारा मा नि जणदिन ऊं बातों की बुरै करदिन। अर एक मूरख जानबर की तरौं समझ रखी के खुद खुणि नास होण को कारण बणणा छिन।

यहूदा 1:16

अर यू वु लोग छिन जु कि हर बात मा सिकैत करदिन, अर दुसरो का दोष खुज्यौदिन। अर अपणी बुरी इच्छाओं का मुताबिक अपणा जीवन तैं चलदिन अर अपणी बातों पर बड़ु मोन करदिन, अर अपणा फैदा खुणि दुसरा लोगु की चापलूसी भि करदिन।

दिब्य दरस 3:17

किलैकि तुम बुल्द्‍यां कि, मि सेठ छौं अर अपणी कोसिस से मिन भौत दौलत हासिल कैरियाली, अर अब मितैं कैं भि चीज कि जरुरत नि च, मगर तुम इन नि जणद्‍यां कि तुम लाचार, अर बदकिस्मत छाँ अर भौत गरीब, अन्धु अर नंगा छाँ।