1 तीमुथियुस 6:17 - Garhwali

^17-19 हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।

गढवली नयो नियम

¹⁷ ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।

1 तीमुथियुस 6:17 ပူးပေါင်းရင်းမြစ်များ

मत्ती 12:32

अर ठिक उन्‍नि अगर कुई मनखि का पुत्र का खिलाप मा कुछ बोललु, त वेतैं माफी दिये जालि, पर अगर कुई पवित्र आत्मा का खिलाप मा कुछ बोललु, त वेको यू अपराध ना त ये युग मा अर ना ही औण वळा युग मा माफ किये जालु।”

मत्ती 19:23

तब यीशु न अपणा चेलों कू बोलि, “मि तुम बटि सच्‍च बोन्‍नु छौं, कि एक सेठ मनखि को परमेस्वर का राज मा दाखिल होण भौत कठिन च।

मत्ती 25:16

“अर जै नौकर तैं पांच हजार सिक्‍का मिली छा, वेन तुरन्त जैके ऊं सिक्‍कों से लेण-देण कैरी, अर पांच हजार सिक्‍का और कमै दिनी।

मत्ती 27:57

यूसुफ नौ को एक मनखि छौ, जु कि अरिमतिया नगर मा रौन्दु छौ। अर यू एक सेठ मनखि छौ, अर यू यीशु पर बिस्वास करदु छौ। अर जब रुमुक ह्‍वे, त यू रोमी गवर्नर पिलातुस का पास गै।

मत्ती 6:32

किलैकि यों सब चीजों का पिछनै दिन-रात ऊ लोग अटगंणा छिन, जु परमेस्वर तैं नि मणदिन। मगर स्वर्ग मा रौण वळु तुमरो पिता जणदु च, कि तुमतै यों सब चीजों की जरुरत च।

मरकुस 10:24

वेका चेला या बात सुणी के दंग ह्‍वे गैनी। पर यीशु न ऊंकू फिर से बोलि, “बच्‍चों सुणा, जु लोग अपणी जमीन-जैजाद पर भरोसा रखदिन, ऊ खुणि परमेस्वर का राज मा दाखिल होण बड़ु कठिन च।

लूका 19:2

अर उख जक्‍कई नौ को एक मनखि छौ। जु की चुंगी लेण वळो को अधिकारी छौ अर यू भौत सेठ छौ।

लूका 3:11

तब वेन ऊंतैं जबाब देई, “अगर कै मनखि का पास दुई कुरता हो, त उ एक वेतैं दे द्‍यो जैमा नि च। अर ठिक उन्‍नि जैमा खाणु च, उ भि इन्‍नि कैरो।”

खास चेलों 14:17

अर वेन अपणा भला कामों तैं दिखै के अपणु होण को सबूत दिनी। अर वु ही परमेस्वर बगत-बगत पर बरखा अर रितुओं तैं बदलि के हम मनखियों खुणि अच्छी फसल पैदा करदु, अर अच्छा खाणुक को इंतजाम कैरिके तुमरा मन तैं खुशी से भरी देन्दु।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

खास चेलों 17:25

अरे, वे परमेस्वर मा कैं भि चीज की कमी नि च, अर ना ही उ मनखियों बटि अपणी सेवा करौन्दु, बल्किन मा वु त खुद ही सब तैं जीवन अर सांस देन्दु, इख तक की सब कुछ भि।

रोमियों 11:20

त मेरी ईं बात तैं समझा, चला मणदा छां कि वु लोग बिस्वास नि करण की वजै से काटी के ढुळै गैनी, अर तुम लोग बिस्वास करण की वजै से वेमा बणयां छाँ, त सुणा, बड़ु मोन नि कैरा बल्किन मा पिता परमेस्वर पर अपणी पूरि सरदा बणै के रखा।

इफिसुस 5:5

किलैकि तुम ईं बात का बारा मा भौत अच्छे से जणद्‍यां, कि गळत सम्बन्ध रखण, अर पवित्र जीवन नि जीण, लालच, यू सब मूरत पूजा करण का बराबर च, अर इन्द्रया लोगु की यीशु मसीह अर पिता परमेस्वर का राज मा कुई जगा नि च।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

1 तीमुथियुस 5:21

हे तीमुथियुस, मि परमेस्वर अर यीशु मसीह अर चुण्यां स्वर्गदूतों तैं गवा माणी के त्वेतै या आज्ञा देन्दु, कि तू खुला मन से यों सब बातों को पालन कैर, अर कै का दगड़ा मा भि पक्षपात नि कैरी।

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

1 तीमुथियुस 6:9

पर जु सेठ बणण चनदिन ऊ अजमैस मा पोड़दिन, अर जाल अर खतरनाक मनसा मा पोड़ि जनदिन। अर इन मनसा ऊंतैं बिगाड़ि देन्दी, अर विणास का बाटा मा ले जान्दी।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

तीतुस 2:12

अर या किरपा हमतै इन बतौन्दी, कि हमतै कन्द्रयो जीवन जीण चयेणु हमतै परमेस्वर का खिलाप मा नि होण चयेणु, बल्किन मा दुनियां की बुरी इच्छाओं तैं छुड़ण चयेणु, अर खुद तैं अपणा बस मा रखण चयेणु, अर एक धरमी जन बणि के परमेस्वर की भक्‍ति करण को जीवन जीण चयेणु।

तीतुस 3:6

अर वे ही पिता परमेस्वर न हमतै बचौण वळा यीशु मसीह का द्‍वारा हम पर पवित्र आत्मा तैं भरपूरी से अखणै,

2 पतरस 1:11

अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।