1 तीमुथियुस 6:11 - Garhwali

¹¹ पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

गढवली नयो नियम

¹¹ पर हे पिता परमेश्वर का जन तीमुथियुस, तु यूं बातों से दूर रौ, अर धर्म, भक्ति, विश्वास, प्रेम, सब्र अर नम्रता जु ठिक च, भस वे तैं कनु कु हर किस्म की कोशिश कैर।

1 तीमुथियुस 6:11 ပူးပေါင်းရင်းမြစ်များ

रोमियों 14:19

इलै हम ऊं बातों तैं पूरु करण मा लग्यां रा, जौं बातों से मेल-जोल होन्दु, अर जु बात एक-दुसरा का बिस्वास तैं मजबूत बणौण मा काम औन्दिन।

1 कुरिन्थि 10:14

इलै हे मेरा प्यारा भै-बैंणो, तुम लोग मूरत पूजा से दूर रा।

1 कुरिन्थि 14:1

अर सबसे पैलि बात त या ही च, कि हम अपणा पूरा दिल से सब लोगु से प्यार कैरा। अर पिता परमेस्वर बटि बड़ु बरदान पौण की इच्छा रखा। अर ज्वा बात सबसे भली च वा या च कि भविष्यबाणी करण की ताकत रखा।

1 कुरिन्थि 6:18

इलै हे मेरा भै-बैंणो, एक-दुसरा का दगड़ा मा गळत सम्बन्ध रखण से भागा, किलैकि दुसरा पाप मनखि का सरील तैं नुकसान नि पौंछन्दिन, मगर जु लोग गळत सम्बन्ध रखण मा लग्यां रौनदिन, वु अपणा सरील का खिलाप मा पाप करदिन।

1 तीमुथियुस 1:14

अर मि पर प्रभु की किरपा भरपूरी से ह्‍वे, अर ईं किरपा का दगड़ा मा मितैं बिस्वास अर प्यार भि मिली, अर यू यीशु मसीह का दगड़ा मा जुड़यां रौण से मिली।

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

1 तीमुथियुस 6:20

तीमुथियुस, जु सच्‍चै का वचन त्वेतै दिये गैनी, वु वचन लोगु तैं सिखौणु रौ। अर जु लोग ईं सच्‍चि शिक्षा का खिलाप मा सिखौन्दिन, ऊं लोगु बटि अर ऊंकी बातों से दूर रौ। अर कुछ लोग गळती से वीं गळत शिक्षा तैं “ज्ञान” समझदिन अर वेका बारा मा सिखौन्दिन।

2 तीमुथियुस 2:21

अगर कुई मनखि खुद तैं बुरै बटि दूर रखी के खुद तैं शुद्ध करलु, त उ वे भाँडा का जन च जैतैं कै खास काम खुणि इस्तेमाल लिये जान्दु। तब वे मनखि को जीवन पवित्र ह्‍वे जालु, अर वेको इस्तेमाल प्रभु का हरेक अच्छा काम खुणि किये जालु।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

2 तीमुथियुस 3:10

प्रिय तीमुथियुस, तू मेरा चाल-चलन, मेरा मकसद, अर मेरा बिस्वास का बारा मा जणदी ही छैई। अर मि कन्द्रयो प्यार करदु, अर मेरी सौणे की ताकत, अर मेरा सबर रखण का बारा मा त्वेतै पता ही च। अर तू इन भि जणदी छैई, कि लोगु न मितैं सतै अर कन-कन दुख-तकलीफ दिनी।

2 तीमुथियुस 3:17

ताकि परमेस्वर का लोग हरेक बात मा सिद्ध ह्‍वे जा, अर भलै का हरेक काम तैं करणु खुणि तयार रा।

इब्रानी 12:14

अब तुम सब लोगु का दगड़ा मा मेल-जोल बणै के रखा अर पवित्र ह्‍वे जा, किलैकि वु लोग ही प्रभु तैं देख सकदिन जु पवित्र छिन।

1 पतरस 3:11

अर बुरै करण से दूर रौ, अर भलै का काम कैरो, अर शान्ति को जीवन जीणु खुणि वां की खोज कैरो, अर वेका मुताबिक चलु।