1 तीमुथियुस 5:9 - Garhwali

^9-10 अर ज्वा विधवा साठ साल से मथि हो, अर जिं न एक ही ब्यौ कैरी हो, अर जिं को नौ अच्छा कामों मा हो, अर जिं न अपणा बाल-बच्‍चों को खूब अच्छा से पालन-पोसण कैरी हो, अर मैमानदारी भि खूब अच्छा से निभै हो, अर जिं न नमर सभौ रखी के बिस्वासी लोगु की सेवा कैरी हो, अर दुखी लोगु की मदद कैरी हो, अर सब अच्छा काम करण खुणि तयार रौन्दी हो, इन्दरि विधवाओं को नौ ही वीं मदद करण वळी लिस्ट मा लिखे जौ, अर बिस्वास समुदाय का लोग वीं की मदद कैरा।

गढवली नयो नियम

⁹ जब कुई विधवा साठ बरस बट्टी जादा हो, त तु वीं को नौं विधवाओं की सूची मा लिख द्ये, अर उ अपड़ा ही आदिम कि वफादार घरवलि हो,

1 तीमुथियुस 5:9 ပူးပေါင်းရင်းမြစ်များ

1 तीमुथियुस 3:12

अर वे सेवक की एक ही घरवळी होण चयेणी, अर उ अपणा बाल-बच्‍चों अर घौर को एक अच्छु इंतजाम करण वळु हो।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

1 तीमुथियुस 5:11

पर ज्वान विधवाओं को नौ वीं लिस्ट मा नि लिखा, किलैकि ऊ अपणा सरील की इच्छा तैं पूरि करण का बाना यीशु मसीह तैं छोड़ि के ब्यौ करण चनदिन।

1 तीमुथियुस 5:14

इलै मेरी इच्छा च, कि जु विधवा ज्वान छिन, वु ब्यौ कैरा अर बच्‍चों तैं जनम देके अपणु-अपणु घौर-बार समाळा। ताकि विरोध करण वळा मनखियों तैं इन्द्रयो कुई सवाल नि मिली सैको।

1 तीमुथियुस 5:16

अगर कै बिस्वासी बैंण का घौर मा विधवा छिन, त वा बिस्वासी बैंण ऊंकी देख-रेख कैरो, अर बिस्वासी समुदाय पर भार नि डालु। अर इन वा इलै कैरो, ताकि जौं विधवाओं तैं सच्‍चि मा मदद मिलण चयेणी, ऊंकी मदद बिस्वासी समुदाय कैरी सैको।