1 तीमुथियुस 5:8 - Garhwali

⁸ पर अगर कुई अपणा रिश्तेदारों अर अपणा परिवार की देखभाल नि कैरी सकदु, त वेन इन कैरिके बिस्वास को तिरिस्कार कैरियाली, अर वु बिस्वास नि करण वळा लोगु से भि जादा बुरु मनखि बण गै।

गढवली नयो नियम

⁸ पर जु कुई अपड़ा कुटुम्ब की, जरूरत पूरी नि कैरो, त उ अपड़ा विश्वास बट्टी भटकि गै, अर अविश्वासी बट्टी भि बुरो बण गै।

1 तीमुथियुस 5:8 ပူးပေါင်းရင်းမြစ်များ

मत्ती 18:17

अगर जु वु मनखि ऊं गवाओ की भि नि माणो, त बिस्वासी समुदाय का लोगु कू बोलि दे, अर अगर वु समुदाय का लोगु की भि नि माणो, त फिर तू वेतैं चुंगी लेण वळो अर ऊं लोगु का जन माण जु परमेस्वर तैं नि मणदिन।

मत्ती 7:11

अरे जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त स्वर्ग मा रौण वळु तुमरो पिता तुमरा मंगण पर तुमतै अच्छी चीज किलै नि द्‍यालु?

यूहन्ना 15:22

“अर अगर जु मि नि औन्दु अर परमेस्वर की बातों तैं ऊंतैं नि बतौन्दु त वु दोषी नि ठैरदा, पर अब जब ऊंन सुण्यालि त दोषी ठैरणो को ऊंमा कुई बहाना नि च।

1 कुरिन्थि 6:6

अर तुमरा बीच मा एक भै दुसरा भै तैं अदालत मा लेके जान्दु, वु भि ऊं लोगु का बीच मा जु की बिस्वासी नि छिन।

2 कुरिन्थि 12:14

हे मेरा भै-बैंणो, मि तिसरी बार तुमरा पास औण खुणि तयार छौं, मगर मि तुम पर बोझ नि बणण चान्दु। अर मितैं वु नि चयेणु जु कि तुमरा पास च, बल्किन मितैं त तुम लोग चयेणा छाँ। अर बच्‍चों से उम्मीद नि किये जान्दी की वु अपणा ब्वे-बाब खुणि बचै के जमा करला, बल्किन मा ब्वे-बाब तैं अपणा बच्‍चों खुणि सब कुछ कन चयेणु।

2 कुरिन्थि 6:15

अर जन यीशु मसीह अर शैतान का बीच मा कुई रिश्ता नि च, ठिक उन्‍नि बिस्वास नि करण वळु अर मसीह पर बिस्वासी करण वळु दुईया का दुई एक नि ह्‍वे सकदिन।

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

2 तीमुथियुस 2:12

अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

2 तीमुथियुस 3:5

अर लोगु तैं दिखाणु खुणि केवल परमेस्वर की भक्‍ति करला, पर परमेस्वर की ताकत तैं नकारी द्‍याला। अर इन्द्रया लोगु बटि तुम अलग रयां।

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

2 पतरस 2:1

अर जन इस्राएली लोगु का बीच मा झूठ्‍ठा रैबर्या निकळि के ऐ गै छा, अर वु खुद तैं परमेस्वर को रैबर्या बतौन्दा छा, ठिक उन्‍नि तुम लोगु का बीच मा भि कुछ झूठ्‍ठा गुरु निकळि के आला। अर ऊ लोग झूठ्‍ठी शिक्षा को परचार बड़ी चालाकी से तुमरा बीच मा करला, इख तक कि ऊ हमरा यीशु मसीह तैं भि नकारी द्‍याला जैन ऊंतैं अपणु खून देके खरीदी, मगर इन कैरिके ऊ भौत जल्द नास ह्‍वे जाला।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।

दिब्य दरस 3:8

“मि तुमरा कामों तैं जणदु छौं। अर देख, मिन तुमरा समणि एक द्‍वार खोली के रख्युं च जैतैं कुई बन्द नि कैरी सकदु, हालांकि तुमरि ताकत कम च, पर फिर भि तुमुन मेरा वचन को पालन कैरी अर मेरा नौ तैं नि नकारी।