1 तीमुथियुस 5:7 - Garhwali

⁷ अर यों बातों को पालन करण खुणि बिस्वासी लोगु तैं आज्ञा देणु रौ, ताकि कुई भि मनखि ऊं पर दोष नि लगै सैको।

गढवली नयो नियम

⁷ तू विश्वासियों तैं यूं आज्ञाओं तैं दींद रौ ज्यां ल कुई भि ऊं पर भंगार नि लगौ।

1 तीमुथियुस 5:7 ပူးပေါင်းရင်းမြစ်များ

फिलिप्पी 2:15

ताकि तुम हर बात मा निरदोष अर पवित्र बणि सैका, अर परमेस्वर की एक सच्‍चि औलाद का जन ह्‍वे जा, किलैकि तुम भ्रष्‍ट अर पापि लोगु का बीच मा रौन्द्‍यां, इलै तुमरो जीवन ऊंका बीच मा चमकणु रौ जन कि आसमान मा गैंणा चमकदिन।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

1 तीमुथियुस 4:11

अर यों बातों की आज्ञा देणु रौ अर येका बारा मा सिखौणु रौ।

1 तीमुथियुस 6:17

हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

तीतुस 1:13

अर या बात बिल्कुल सच्‍चि च, इलै ऊं लोगु तैं ढंगल झिड़कणु रौ, ताकि ऊंको बिस्वास पक्‍कु ह्‍वे जौ।

तीतुस 2:15

अर तीतुस, तू यों सब बातों तैं पूरा अधिकार से बोल अर समझै दे, अर सभ्यों को हौसला बढौणु रौ, अर विरोध करण वळो तैं झिड़कणु रौ अर कुई भि त्वेतै सुद्‍दी नि समझु।