1 तीमुथियुस 4:3 - Garhwali

³ अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

गढवली नयो नियम

³ यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।

1 तीमुथियुस 4:3 ပူးပေါင်းရင်းမြစ်များ

मत्ती 14:19

अर यीशु न लोगु तैं घास पर बैठणु कू बोलि। तब वेन पांच रुट्‍टी अर दुई माछों तैं लेई, अर स्वर्ग जनै देखि के परमेस्वर को धन्यवाद देई, अर रुट्‍टी तोड़ि-तोड़ि के चेलों तैं दिनी अर ऊंन लोगु मा बांटि दिनी।

मत्ती 15:11

मनखि का गिच्‍चा बटि जु कुछ भि भितर जान्दु वु वेतैं अशुद्ध नि करदु, मगर जु कुछ भि वेका गिच्‍चा बटि भैर निकळदु उई वेतैं अशुद्ध करदु।”

मत्ती 15:36

तब वेन सात रुट्‍टी अर माछों तैं ले, अर परमेस्वर को धन्यवाद देके ऊंतैं तोड़ि, अर अपणा चेलों तैं देणु रै अर वु भीड़ का लोगु मा बंटणा रैनी।

लूका 24:30

अर जब उ ऊंका दगड़ा खाणुक खाणु कू बैठि, त वेन रुट्‍टी उठे के परमेस्वर को धन्यवाद कैरी अर रुट्‍टी का टुकड़ा कैरिके वेन ऊंतैं दे।

यूहन्ना 6:23

(तब तिबिरियास नगर बटि कुछ दुसरि नाव वीं जगा का नजदीक ऐनी, जख ऊंतैं प्रभु यीशु न पिता परमेस्वर को धन्यवाद देण का बाद रुट्‍टी खिलै छै)।

खास चेलों 27:35

अर इन बोलि के वेन रुट्‍टी लेई अर सभ्यों का समणि परमेस्वर को धन्यवाद कैरी अर वीं रुट्‍टी का टुकड़ा कैरिके खाण लगि गै।

रोमियों 14:17

किलैकि पिता परमेस्वर का राज को मतलब खाण-पीण नि च, बल्किन मा वेकी नजर मा धरमी जीवन जीण से च। अर वेकी पवित्र आत्मा का द्‍वारा भलै करण, शान्ति से रौण, अर बड़ी खुशी से अपणु जीवन जीण से च।

रोमियों 14:3

इलै सब कुछ खाण वळा मनखि तैं, सागपात खाण वळा मनखि को अपमान नि करण चयेणु, अर ठिक उन्‍नि सागपात खाण वळा मनखि तैं भि सब कुछ खाण वळा को न्याय नि करण चयेणु, किलैकि न्याय करण परमेस्वर को काम च, अर उ दुई किसम का लोगु तैं स्वीकार करदु।

रोमियों 14:6

कि जु मनखि एक दिन तैं कै दुसरा दिन से जादा खास मणदु, उ परमेस्वर खुणि ही इन करदु। अर जु मनखि सब किसम को खाणुक खान्दु, त उ भि पिता परमेस्वर खुणि ही इन करदु, अर वेका दगड़ा-दगड़ि धन्यवाद देन्दु। अर जु मनखि सब किसम को खाणुक नि खान्दु उ भि परमेस्वर खुणि इन करदु, अर परमेस्वर को धन्यवाद देन्दु।

1 कुरिन्थि 6:13

अर कुछ लोग त इन भि बुल्दिन कि, “पुटगु त इलै ही च कि खाणुक खये जौ, अर खाणुक भि इलै ही च कि पुटगु भुरे जौ।” अर चला, मणद्‍यां कि या बात ठिक च, मगर औण वळा बगत मा पिता परमेस्वर न यों दुईयों को नास कैरी देण। हे मेरा दगड़्यों, जैका दगड़ा मा तुमरो ब्यौ नि कर्युं वेका अलावा कै दुसरा का दगड़ा मा गळत सम्बन्ध नि रखा, किलैकि या बात तुमरा सरील खुणि ठिक नि च। अर तुम मेरी बात तैं ध्यान से सुणा, केवल प्रभु यीशु ही च जु कि हमरा सरील को मालिक च।

1 कुरिन्थि 7:28

अर अगर कुई अणविवाक ब्यौ करण चाणु च, त यां मा कुई गळत बात नि च। अर अगर कुई अणविवाक नौनि ब्यौ करण चाणि च, त इन करण भि गळत नि च। मगर मि तुमतै बतै देन्दु, कि जु लोग ब्यौ करदिन ऊंतैं अपणा जीवन मा दुख-तकलीफ झिलण पोड़दिन, अर मि त बस इथगा ही चान्दु कि तुमतै कुई परेसानी नि हो।

1 कुरिन्थि 8:8

मगर हे मेरा भै-बैंणो, खाणुक हमतै परमेस्वर का नजदीक नि पौंछान्दु। अगर हम नि खा, त हमरा भितर कुई नुकसान नि होन्दु, अर जु हम खा, त तभि भि हमतै कुछ फैदा नि च।

कुलुसी 2:16

इलै हे मेरा भै-बैंणो, कुई तुमरा खाणुक खाण-पीण का मामला मा तुमरो न्याय नि कैरो, अर ना ही कुई इन नियम निकाळो कि बार-त्योवार पर, या नया चाँद का दिन पर, या सब्त का दिन पर क्या-क्या कन चयेणु अर क्या नि करण चयेणु।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

1 तीमुथियुस 2:4

अर परमेस्वर की इच्छा या च कि सब मनखियों तैं बचयै जौ, अर ज्वा बात सच्‍च च वेतैं ऊ ढंगल जाणि सैका।

1 तीमुथियुस 4:4

अर परमेस्वर न जु कुछ भि बणै वु सब कुछ खूब च, इलै वामा बटि कै को भि तिरिस्कार नि किये जौ, पर वेतैं धन्यवाद देके खाण चयेणु

1 तीमुथियुस 5:14

इलै मेरी इच्छा च, कि जु विधवा ज्वान छिन, वु ब्यौ कैरा अर बच्‍चों तैं जनम देके अपणु-अपणु घौर-बार समाळा। ताकि विरोध करण वळा मनखियों तैं इन्द्रयो कुई सवाल नि मिली सैको।

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।