1 तीमुथियुस 4:10 - Garhwali

¹⁰ इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

गढवली नयो नियम

¹⁰ किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।

1 तीमुथियुस 4:10 ပူးပေါင်းရင်းမြစ်များ

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 27:43

अरे, अगर यू परमेस्वर पर भरोसा रखदु, अर अगर जु पिता परमेस्वर भि चान्दु त अब उ येतैं बचौ, किलैकि यू त बुल्दु छौ कि ‘मि परमेस्वर को पुत्र छौं।’”

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 4:42

तब ऊ लोग वीं जनानि बटि बुलण लगि गैनी, “अब हम तेरा बुलयां पर ही बिस्वास नि करद्‍यां, किलैकि हमुन अफि सुण्यालि, अर यू भि जाण्यालि कि सच्‍चि मा यूई मनखि दुनियां तैं छुटकारा देण वळु च।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

2 कुरिन्थि 1:10

अर पिता परमेस्वर ही च जु कि हमतै मौत का बड़ा संकट से बचौन्दु, अर अगनै भि बचालु, किलैकि हम वे पर बिस्वास करद्‍यां अर उ हमतै औण वळा बगत मा भि बचालु।

1 तीमुथियुस 2:4

अर परमेस्वर की इच्छा या च कि सब मनखियों तैं बचयै जौ, अर ज्वा बात सच्‍च च वेतैं ऊ ढंगल जाणि सैका।

1 तीमुथियुस 2:6

अर वेन हरेक मनखि तैं वेका पापों बटि छुटकारा देण खुणि, अफ तैं एक दाम का रुप मा दे दिनी। अर इन कैरिके वेन ठिक बगत पर इन गवै देई, कि वेकी मनसा इन च कि हरेक मनखि तैं बचयै जौ।

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

1 तीमुथियुस 6:17

हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

इब्रानी 13:13

इलै आ, हम पुरणि बातों तैं छोड़ि के यीशु मसीह का पास ऐ जां, अब चै हमरि बेजती ही किलै नि हो।

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।

1 यूहन्ना 2:2

अर याद रखा की यीशु मसीह न अपणी इच्छा से हम खुणि अपणु बलिदान देई, ताकि वेका द्‍वारा पिता परमेस्वर हमरा पापों तैं माफ कैर द्‍यो, अर बस हमरा ही पापों तैं ना, बल्किन मा सरी दुनियां का लोगु का पापों तैं भि माफ कैरो।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।