1 तीमुथियुस 2:5 - Garhwali

⁵ किलैकि परमेस्वर एक ही च, अर वेका अर मनखियों का बीच मा एक ही बिचलु च, अर वु यीशु मसीह च।

गढवली नयो नियम

⁵ किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

1 तीमुथियुस 2:5 ပူးပေါင်းရင်းမြစ်များ

मत्ती 1:1

प्रभु यीशु मसीह का पितरों का नौ की सूची इन च, कि यीशु जु की राजा दाऊद का वंश मदि, अर राजा दाऊद अब्राहम का वंश मदि छौ। अर पितर अब्राहम बटि यीशु मसीह तक जनम्यां लोगु का नौ कुछ इन छिन।

मत्ती 1:23

अर उ वचन इन च कि, “सुणा, एक कुंवारी नौनि गरवति होलि अर एक नौना तैं जनम द्‍याली, अर वेको नौ इम्मानुएल रखै जालु,” जैको मतलब च कि “परमेस्वर हमरा दगड़ा मा च।”

लूका 14:22

तब नौकर न वेकू बोलि, ‘साब, जन तुमुन बोलि छौ ठिक उन्‍नि किये गै, पर इख त अभि भि जगा खालि च।’

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

खास चेलों 4:12

“अर यीशु का अलावा कुई दुसरो बचै नि सकदु, किलैकि आसमान का मूड़ी अर लोगु का बीच मा कुई भि दुसरो नौ नि दिये गै, जैका द्‍वारा हमतै बचयै जौ।”

रोमियों 1:3

अर यू शुभ समाचार वेका पुत्र यीशु मसीह का बारा मा च, अर उ सरील का रुप मा राजा दाऊद का वंश मा बटि पैदा ह्‍वे।

रोमियों 10:12

अर अब से यहूदी लोगु मा अर ऊं लोगु मा कुई फर्क नि च, जु कि यहूदी जाति का नि छिन, किलैकि प्रभु यीशु मसीह सभ्यों को प्रभु च अर जथगा भि लोग वेका नौ तैं लेन्दिन, वु ऊं सब लोगु तैं आसीस देन्दु।

1 कुरिन्थि 8:4

अर मूरतों का समणि बलि करीं चीजों तैं खाण का बारा मा हम जणदा ही छां कि ईं दुनियां मा मूरत कुछ भि नि छिन। अर वे एक परमेस्वर तैं छोड़ि के और कुई परमेस्वर छैई नि च।

1 कुरिन्थि 8:6

मगर हम खुणि एक ही च जैतैं हम पिता परमेस्वर का रुप मा स्वीकार करद्‍यां, अर उ हमरु ही पिता परमेस्वर च जैन सभ्यों तैं बणै, अर हम वेकी सेवा करद्‍यां। अर हमरु एक ही प्रभु च जु कि यीशु मसीह च जैका द्‍वारा सब कुछ बणि, अर जु कुछ भि च वु वेका ही द्‍वारा बणि, अर जु जीवन वेन हमतै देई उ सदनि को च।

गलातियों 3:20

अर बिचलु त कम से कम दुई लोगु का बीच मा होन्दु, मगर परमेस्वर त एक ही च।

इफिसुस 4:6

अर सभ्यों को एक ही पिता परमेस्वर च, जु कि सभ्यों पर राज करदु, अर हम सभ्यों का बीच मा काम करदु, अर पवित्र आत्मा का द्‍वारा हम सभ्यों का भितर रौन्दु।

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

इब्रानी 12:24

अर अब तुम यीशु का पास अयां छाँ, जु कि परमेस्वर अर लोगु का बीच नयू करार को बिचलु च, अर वेका बलिदान मा बुगयां ल्वे से मनखियों तैं पापों से माफी मिलदी, जब कि हाबिल की हत्या मा बुगयूं ल्वे दण्ड की मांग करदु।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

इब्रानी 8:6

पर हमरा महा पुरोहित यीशु तैं सेवा को जु काम दिये गै वु दुनियां का दुसरा पुरोहितों से जादा बढी के च, किलैकि यीशु वु च जु कि पुरणा करार का मुताबिक परमेस्वर का दगड़ा मा मनखियों खुणि एक अच्छा बिचलु होण को काम करदु। अर यां से इन पता चलदु कि नयू करार पुरणा से जादा अच्छु च।

इब्रानी 9:15

अर लोगु तैं पाप से छुड़ौण का खातिर यीशु मसीह मरे गै। अर ईं मौत का द्‍वारा वेन पुरणा करार तैं रद्‍द कैरी दिनी, ताकि उ अपणा चुण्यां लोगु तैं पिता परमेस्वर का द्‍वारा मिलण वळी सदनि की आसिसों तैं द्‍यो, अर वेका दगड़ा-दगड़ि एक नयू करार भि द्‍यो जु की सदनि को जीवन च।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

दिब्य दरस 1:13

अर ऊं दीपदानों का बीच मिन मनखि का पुत्र यीशु तैं खड़ु होयुं देखि, अर वेन खुटों तक एक लम्बो चोळा पैरयूं छौ, वेकी छति पर सोना को एक पठुगु बन्धयूं छौ।