1 तीमुथियुस 1:20 - Garhwali

²⁰ अर ऊं मदि हुमिनयुस अर सिकन्दर ही इन्द्रया लोग छिन। अर मिन ऊंतैं शैतान का हाथ मा सौंप्याली। ताकि वु परमेस्वर को अपमान करण को पाठ सिखी सैका।

गढवली नयो नियम

²⁰ ऊं मदि हुमिनयुस अर सिकन्दर च जौं तैं मिल विश्वासियों की मण्डलि बट्टी भैर कैरे ल शैतान का हथ मा सौंपैले, कि उ पिता परमेश्वर कि बुरै कन बंद कैरा।

1 तीमुथियुस 1:20 ပူးပေါင်းရင်းမြစ်များ

मत्ती 18:17

अगर जु वु मनखि ऊं गवाओ की भि नि माणो, त बिस्वासी समुदाय का लोगु कू बोलि दे, अर अगर वु समुदाय का लोगु की भि नि माणो, त फिर तू वेतैं चुंगी लेण वळो अर ऊं लोगु का जन माण जु परमेस्वर तैं नि मणदिन।

खास चेलों 13:45

मगर जब यहूदी जाति का लोगु न इथगा भीड़ देखि, त ऊंतैं देखि के यू लोग जलत्यौण लगि गैनी। अर पौलुस जु की परमेस्वर की बातों तैं बतौणु छौ वेका मा खिलाप अनाप-सनाप बुलण लगि गैनी।

खास चेलों 19:33

अर वीं भीड़ मा बटि कुछ यहूदियों न सिकन्दर तैं अगनै कैरी, तब वेन अपणा हाथ बटि लोगु तैं चुप होण कू इसारा कैरी, अर लोगु मा कुछ बोन्‍न चै।

1 कुरिन्थि 11:32

मगर प्रभु हमतै इलै दण्ड देन्दु, ताकि हमरा जीवन मा सुधार हो, अर न्याय का दिन मा हम ईं दुनियां का लोगु का दगड़ा मा दोषी ठैरि के दण्ड नि पा।

2 कुरिन्थि 10:6

अर अगर तुम मा बटि कुई यीशु की बात तैं स्वीकार नि करदु, त इन्द्रया लोगु तैं सजा देणु खुणि हम तयार छां। मगर फिर भि हम इन चन्द्‍यां कि तुम सभ्या का सभि वेकी बात को पालन पूरि तरौं से कैरा।

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

2 थिस्सलुनीकी 3:15

पर तभि भि वेतैं दुसमन नि समझा, पर एक बिस्वासी भै समझि के सीखा।

1 तीमुथियुस 5:15

किलैकि कुछ विधवाओं न परमेस्वर की आज्ञा को पालन करण छोड़ि के शैतान की इच्छा का मुताबिक चलण शुरु कैरियाली।

2 तीमुथियुस 2:14

हे तीमुथियुस, तू यों सब बातों तैं बिस्वासी लोगु तैं याद करै दे। अर परमेस्वर तैं गवा माणी के ऊंतैं आदेस दे, कि यू लोग पवित्रशास्‍त्र का एक-एक शब्द का बानो बहसबाजी नि कैरा। किलैकि इन कैरिके कुई फैदा नि होन्दु, पर सुनण वळो का बिस्वास मा उळझण पोड़ि जान्दी अर ऊंका बिस्वास को नास ह्‍वे जान्दु।

2 तीमुथियुस 2:17

अर जन ददरो सरील मा भौत जल्दी फैलदी, ठिक उन्‍नि झूठ्‍ठी शिक्षा भि लोगु का बीच मा भौत जल्दी फैलदी च। अर वा झूठ्‍ठी शिक्षा देण वळा हुमिनयुस अर फिलेतुस छिन।

2 तीमुथियुस 3:2

किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।

इब्रानी 12:5

अर तुम हौसला देण वळा ये उपदेस तैं बिसरी ग्यां, ज्यां मा परमेस्वर तुमतै एक नौना का रुप मा बुल्दु कि, “हे मेरा नौना, प्रभु का अनुसासन को तिरिस्कार नि कैर, अर जब उ त्वेतै झिडकु त निरास नि हो।

दिब्य दरस 13:1

तब मिन समुन्दर मा बटि एक दैंत तैं निकळद देखि, वेका दस सींग अर सात मुण्ड़ छा। अर वेका दसी सींगों पर दस मुकुट छा, अर वेका मुण्ड़ो पर परमेस्वर की बुरै करण वळा शब्द लिख्यां छा।

दिब्य दरस 3:19

“जौं लोगु से मि प्यार करदु ऊं सभ्यों तैं मि डांटदु अर अनुसासन मा लेके औन्दु, इलै पस्ताप कैरा अर बिस्वास मा गरम ह्‍वे जा।