1 तीमुथियुस 1:16 - Garhwali

¹⁶ पर तभि भि परमेस्वर न मि पर अपणी दया कैरी। अर यीशु मसीह मा सौणे की कथगा ताकत च इन दिखौण खुणि वेन मि जन सबसे बड़ा पापि तैं चुणी, अर अपणा काम खुणि इस्तेमाल कैरी। ताकि जु लोग सदनि को जीवन जीणु खुणि यीशु पर बिस्वास करदिन, ऊं सब लोगु खुणि मि एक उदारण बणि जौं।

गढवली नयो नियम

¹⁶ पर मसीह यीशु ल मेरा प्रति दया दिखै मि तैं माफ कैरी, जैल सबसे जादा पाप कैरी, उ यु दिखांण चांदो छो कि उ कथग सहनशील च, यु ऊं लुखुं कु एक उदाहरण होलो जु बाद मा वे पर विश्वास करला अर अनन्त जीवन तैं प्राप्त करला।

1 तीमुथियुस 1:16 ပူးပေါင်းရင်းမြစ်များ

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

लूका 23:43

अर यीशु न वेकू बोलि, “मि त्वे बटि सच्‍च बोन्‍नु छौं, कि आज ही तू मेरा दगड़ा स्वर्ग मा होलि।”

लूका 7:47

इलै मि त्वे बटि बोन्‍नु छौं, कि ईं जनानि न जु भौत सरा पाप कर्यां छा, उ सब पाप माफ ह्‍वे गैनी। किलैकि ईं न मि बटि भौत प्यार कैरी, पर जैको कम माफ किये गै, उ प्यार भि कम करदु।”

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 6:37

अर पिता न जु लोग मि मा सौंप्यां छिन, उ सभि मि मा आला। अर जु कुई भि मि मा आला, ऊंतैं मि कभि नि निकळळु।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

यूहन्ना 6:54

इलै जु कुई मेरु बदन तैं खालु अर मेरु ल्वे तैं प्यालु, त सदनि को जीवन वेकू च, अर मि वेतैं आखिरी का दिन मा फिर से ज्यून्दु कैरी द्‍यूलु।

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

1 कुरिन्थि 7:25

अर कुंवारियों खुणि मितैं प्रभु बटि कुई आज्ञा नि च मिली, मगर मि तुमतै सला देणु छौं। अर मि पर यकीन किये जै सकदु, किलैकि प्रभु यीशु न मि पर अपणी दया कैरिके मितैं वफादार बणै।

2 कुरिन्थि 4:1

इलै जब परमेस्वर न हम पर अपणी दया कैरी अर हमतै ये लैख बणै कि हम वेकी महान सेवा कैरी सैका, त हम पिछनै किलै हटा।

इफिसुस 1:12

परमेस्वर न हमतै पैलि इलै चुणी, ताकि हम जु कि यीशु मसीह पर सबसे पैलि आस रखण वळा छां, हमरा द्‍वारा पिता परमेस्वर को पूरु आदर-सम्मान अर बडै हो।

इफिसुस 1:6

इलै ही हम वेकी महान किरपा की तारीफ करद्‍यां, अर या किरपा वेन अपणा लाडला पुत्र यीशु मसीह का द्‍वारा हम पर बड़ु मेरबान ह्‍वेके कैरी।

इफिसुस 2:7

अर यीशु मसीह का द्‍वारा ज्वा दया वेन हम पर कैरी वा वेन इलै कैरी, ताकि औण वळा जमना मा सब लोग देखि सैका कि पिता परमेस्वर की किरपा कथगा बड़ी च।

1 तीमुथियुस 1:13

हालांकि, मि पैलि वेकी बेजती करण वळु, वेका लोगु तैं सतौण वळु अर हुणदंग मचौण वळु छौ, पर फिर भि वेन अपणी दया मि पर कैरी। किलैकि तब मि यीशु मसीह पर बिस्वास नि करदु छौ, अर नि जणदु छौ कि मि क्या कनु छौ।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

1 पतरस 3:20

अर जै बगत पितर नूह, पिता परमेस्वर का बुलण का मुताबिक जाज बणौणु छौ, वे बगत का लोगु न परमेस्वर की आज्ञा को पालन नि कैरी, अर पिता परमेस्वर सबर रखी के इन इंतजार कनु छौ, कि ऊ अपणा चाल-चलन मा बदळौ लेके आला, मगर इन नि ह्‍वे। तब पिता परमेस्वर न जल परलय कैरी, अर वे बगत मा कुछ ही लोग जाज मा बैठि के बचयै गैनी, अर ऊं मनखियों की गिनती आठ छै।

2 पतरस 3:15

अर जरा ईं बात का बारा मा सोचा कि हमरु प्रभु सबर रखण मा कथगा महान च जु कि हमतै इन मौका देणु च, कि सब बचि जा। अर ईं बात का बारा मा हमरा प्यारा भै पौलुस न भि बड़ी समझदारी से तुम खुणि चिठ्‍ठी मा लिखी, किलैकि पिता परमेस्वर न वेतैं ऊं बातों तैं बिंगणु खुणि अकल दिनी।

2 पतरस 3:9

अर प्रभु अपणा करार तैं पूरु करण मा कभि देर नि करदु, जन कि कुछ लोग समझदिन बल्किन मा वु त हमरा खातिर सबर रखदु, किलैकि परमेस्वर कै भि मनखि तैं नास होन्द देखि नि सकदु। पिता परमेस्वर त इन चान्दु, कि हरेक मनखि तैं पापों बटि पस्ताप करण को मौका मिलण चयेणु।