1 थिस्सलुनीकी 5:27 - Garhwali

²⁷ अर मि तुमतै प्रभु कि कसम देणु छौं कि या चिठ्‍ठी सब भै-बैंणो तैं पैड़ी के सुणये जौ।

गढवली नयो नियम

²⁷ मि तुम तैं आज्ञा दींणु छौं, कि या चिठ्ठी सब विश्वासी भयों तैं पढ़ी के सुणै जौं।

1 थिस्सलुनीकी 5:27 ပူးပေါင်းရင်းမြစ်များ

मत्ती 26:63

पर यीशु चुप रै। तब महा पुरोहित न वेकू बोलि, “मि त्वेतै ज्यून्दा परमेस्वर की कसम देन्दु, हमतै बतौ कि क्या तू परमेस्वर को पुत्र मसीह छैई।”

मरकुस 5:7

अर ऊँची आवाज मा चिल्‍लै के बोलि, “हे सबसे महान परमेस्वर का पुत्र यीशु, तुम मि बटि क्या चाणा छाँ? मि तुमतै परमेस्वर की कसम देन्दु, कि मितैं दुख नि द्‍या।”

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

खास चेलों 19:13

मगर यहूदियों मा बटि कुछ लोग इन छा जु जग-जगा घूमी के झाड़-फूक कैरिके खबेसों तैं निकळण को काम करदा छा। अर यू लोग इन करण लगि गैनी कि जैमा भि खबेस लग्यूं रौन्दु छौ ऊंकू यीशु को नौ लेके इन बुल्दा छा कि, “जै यीशु को परचार पौलुस करदु, वेका नौ से मि त्वेतै आज्ञा देन्दु कि, ‘निकळ वेमा बटि।’”

कुलुसी 4:16

अर जब तुम ईं चिठ्‍ठी तैं बिस्वासी समुदाय का लोगु का बीच मा पैढी दिल्या, त इन कर्यां कि लौदीकिया नगर की बिस्वासी समुदाय मा भि पैढी दियां, अर ज्वा चिठ्‍ठी मिन लौदीकिया नगर का लोगु खुणि लिखीं च वा तुमरा बीच मा भि पढै जौ।

1 थिस्सलुनीकी 2:11

तुम अच्छी तरौं से ही जणद्‍यां कि जन बुबा अपणा नौनो तैं हिम्मत अर दिलासा देन्दु, ठिक उन्‍नि प्यारु व्यौहार हम भि तुमरा दगड़ा मा रखद्‍यां, ताकि तुमरो चाल-चलन परमेस्वर तैं पसन्द औण वळु हो। अर वु ही च जु कि तुमतै अपणा राज को सदस्य बणाणु खुणि अर अपणी महानता को भागी होणु खुणि बुलान्दु।

2 थिस्सलुनीकी 3:14

अगर कुई हमरि ईं चिठ्‍ठी मा लिखीं बातों को पालन नि करदु, त वेतैं दिख्यां कि उ छैई कु च, अर वेको साथ नि दियां ताकि उ खुद मा बेजती मैसूस कैरो।

1 तीमुथियुस 1:18

हे मेरा नौना तीमुथियुस, तू बिस्वास मा मजबूत बणयूं रौ। अर तिन परमेस्वर खुणि जु-जु काम करण छिन, वेका बारा मा भौत सा रैबर्यों न भविष्यबाणियाँ करिनी। अर जु कुछ भि ऊंका द्‍वारा बुले गै ऊंका मुताबिक ही मि त्वेतै आज्ञा देन्दु, कि तू एक सिपै की तरौं झूठ्‍ठा गुरु लोगु की शिक्षा का खिलाप एक अच्छी लड़ै कैर। अर सच्‍चा मन से अर बिस्वास रखी के इन्‍नि कनु रौ, किलैकि कुछ लोग न सच्‍चा मन का विचारों तैं नाकारियाली। फिर जन समुन्दर मा जाज टूटी के नास ह्‍वे जान्दु, ठिक उन्‍नि ऊंका बिस्वास को भि नास ह्‍वे गै।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

1 तीमुथियुस 5:21

हे तीमुथियुस, मि परमेस्वर अर यीशु मसीह अर चुण्यां स्वर्गदूतों तैं गवा माणी के त्वेतै या आज्ञा देन्दु, कि तू खुला मन से यों सब बातों को पालन कैर, अर कै का दगड़ा मा भि पक्षपात नि कैरी।

1 तीमुथियुस 5:7

अर यों बातों को पालन करण खुणि बिस्वासी लोगु तैं आज्ञा देणु रौ, ताकि कुई भि मनखि ऊं पर दोष नि लगै सैको।

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

1 तीमुथियुस 6:17

हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।