1 थिस्सलुनीकी 4:9 - Garhwali

⁹ अर बिस्वासी भै-बैंणो बटि प्यार करण का बारा मा तुमकु कुछ लिखण मि जरुरी नि समझदु, किलैकि परमेस्वर न तुमतै खुद यू सिखैयेलि, कि आपस मा एक-दुसरा बटि प्यार कैरा।

गढवली नयो नियम

⁹ पर विश्वासी दगड़िया का प्रति प्रेम का बारा मा जरूरी नि च, कि मि तुम कु कुछ लिखु; किलैकि आपस मा प्रेम रखण तुम ल अफी पिता परमेश्वर बट्टी सीखी;

1 थिस्सलुनीकी 4:9 ပူးပေါင်းရင်းမြစ်များ

मत्ती 22:39

अर ठिक उन्‍नि दुसरि आज्ञा या च कि, ‘जन प्यार तू खुद से करदी, ठिक उन्‍नि प्यार तू सब लोगु से भि कैर।’

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

खास चेलों 4:32

अर बिस्वास करण वळा सब लोग एक दिल अर एक मन ह्‍वेके रौन्दा छा। इख तक कि ऊंमा बटि कुई भि अपणी जैजाद तैं अपणु नि बुल्दु छौ, अर वु अपणी सब चीजों को आर-सार एक-दुसरा का दगड़ा मा करदा छा।

रोमियों 12:10

अर अपणा आपस मा भै-बैंणो की तरौं सच्‍चा दिल से प्यार कैरा, अर हमेसा एक-दुसरो को आदर-सम्मान कैरा।

2 कुरिन्थि 9:1

अर मि तुमतै वे दान का बारा मा लिखण चाणु छौं, जैकी तयारी तुम लोग दुसरा बिस्वासी लोगु की मदद खुणि कना छाँ। अर येका बारा मा मि तुम खुणि कुछ जादा लिखण जरुरी नि समझदु।

फिलिप्पी 3:15

इलै हम मा बटि जथगा भि लोग समझदार छिन, ऊंतैं एक जन सोच-विचार रखण चयेणा, अर अगर जु ऊंका सोच-विचार मेल नि खाणा छिन, त पिता परमेस्वर वीं बात तैं तुम पर परगट कैरी दयालु।

1 थिस्सलुनीकी 5:1

हे मेरा भै-बैंणो, ईं बात की कुई जरुरत नि च, कि तुम खुणि प्रभु का औण का वे बगत अर समौ का बारा मा कुछ लिखे जौ।

इब्रानी 10:16

प्रभु इन बुल्दु, “जब बगत आलु त मि ऊंका दगड़ा मा एक नयू करार करलु, अर मि अपणा नियम-कानूनों तैं ऊंका जमीर मा डललु अर ऊंका दिलों मा ऊंतैं लिखलु।”

इब्रानी 13:1

हे मेरा भै-बैंणो एक-दुसरा का दगड़ा मा प्यार से रा।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

1 यूहन्ना 2:10

मगर जु मनखि सब लोगु से प्यार करदु हो, वेका जीवन मा उज्याळु च अर इन्द्रयो मनखि दुसरा लोगु खुणि पाप करण की वजा नि बणदु।

1 यूहन्ना 3:11

अर जु वचन तुमुन बिस्वास करण का बगत बटि सुणी, उ त यू च कि हमतै एक-दुसरा बटि प्यार करण चयेणु।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

1 यूहन्ना 4:21

इलै हमतै यीशु मसीह का द्‍वारा इन आज्ञा मिली च कि जु मनखि परमेस्वर से प्यार करदु, वेतैं सब लोगु बटि प्यार करण चयेणु।