1 थिस्सलुनीकी 4:10 - Garhwali

¹⁰ अर सच्‍चि मा तुम पूरा मकिदुनिया मुलक का सब बिस्वासी लोगु बटि उन्‍नि प्यार करद्‍यां। मगर फिर भि मेरा भै-बैंणो, हम तुमतै समझै देन्द्‍यां, कि तुम एक-दुसरा बटि और भि जादा प्यार कैरा।

गढवली नयो नियम

¹⁰ अर तुम सैरा मकिदुनिया प्रान्त मा रौंण वलो का सब विश्वासी भयों दगड़ी इन ही बरतौ करदां भि छा, पर हे भयों, हम तुम बट्टी बिनती कना छा, कि प्रेम का दगड़ी और भि बढ़दी जावा

1 थिस्सलुनीकी 4:10 ပူးပေါင်းရင်းမြစ်များ

रोमियों 15:26

किलैकि मकिदुनिया अर अखया मुलक का बिस्वासी लोगु न चन्दा इकट्‍ठा कर्युं च, अर या बात ऊंतैं अच्छी लगि कि ऊ यरूशलेम नगर का बिस्वासी लोगु मा बटि जु लोग गरीब छिन ऊंकी मदद कैरा।

इफिसुस 1:15

इलै हे मेरा भै-बैंणो, जब बटि मिन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर ठिक उन्‍नि वे प्यार का बारा मा भि सुणी जु कि तुम बिस्वासी लोगु का दगड़ा मा करद्‍यां,

फिलिप्पी 1:9

अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

कुलुसी 1:4

किलैकि हमुन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर वे प्यार का बारा मा भि सुणी जु कि तुम बिस्वासी लोगु से करद्‍यां।

1 थिस्सलुनीकी 1:7

अर तुम लोगु न इन कैरी, इलै अखया मुलक का सब बिस्वासी लोगु मा, अर ठिक उन्‍नि मकिदुनिया मुलक का दुसरा हिस्सा का लोगु खुणि भि तुम लोग एक नमूना बणि ग्यां।

1 थिस्सलुनीकी 3:12

अर जन हम तुम बटि प्यार करद्‍यां, ठिक उन्‍नि तुम भि एक-दुसरा बटि प्यार कैरा अर तुमरो यू प्यार सभ्यों खुणि जादा से जादा बढदी जौ। अर हम प्रार्थना करद्‍यां की इन होणु खुणि प्रभु तुमरि मदद कैरो।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

2 थिस्सलुनीकी 3:4

अर तुम लोगु का बारा मा हमतै परमेस्वर पर पूरु बिस्वास च, कि जु कुछ भि हम लोगु न तुमतै सिखै, वु सब बात तुम मनणा छाँ अर हमेसा मनणा रैल्या।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।