1 थिस्सलुनीकी 3:4 - Garhwali

⁴ अर या सच्‍चि बात च कि जब हम तुमरा दगड़ा मा छा, त हमुन पैलि ही बोलियालि छौ कि हमतै दुख-तकलीफ झिलण ही पोड़लि। अर उन्‍नि ह्‍वे अर यू सब तुम जणदा ही छाँ।

गढवली नयो नियम

⁴ पैली भि जब हम तुमारा इख छा, त तुम मा बुल्दा छा, कि हम पर क्लेश आलो, अर इन ही हवे, अर तुम जंणदा भि छा।

1 थिस्सलुनीकी 3:4 ပူးပေါင်းရင်းမြစ်များ

मत्ती 24:25

अर सुणा, यू सब कुछ मिन तुमतै पैलि ही बतैयालि।

खास चेलों 17:1

अर जब पौलुस अर सीलास लुदिया जनानि का इख बटि निकळिनी, त ऊ दुईया का दुई अम्फिपुलिस अर अपुल्‍लोबनिया नगरों बटि ह्‍वेके थिस्सलुनीकी नगर मा ऐनी। अर उख यहूदी लोगु को एक प्रार्थना भवन छौ।

खास चेलों 17:13

और जब थिस्सलुनीकी नगर का यहूदी लोगु तैं इन पता चलि कि, पौलुस बिरीया नगर मा भि परमेस्वर का वचन को परचार कनु च, त यों यहूदी लोगु न इख ऐके दंगा मचौण, अर लोगु तैं उकसौणु शुरु कैरी दिनी।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

2 थिस्सलुनीकी 2:5

अर जब मि तुमरा दगड़ा मा छौ, त यू सब बात मिन तुमतै बतै छै, क्या वु तुमतै याद नि च?

2 थिस्सलुनीकी 3:10

अर जब हम तुमरा दगड़ा मा छा, त हमुन तुमतै एक बात सिखै छै, कि अगर कै की काम-धाम करण कि इच्छा नि हो, त वेतैं खाणु भि नि खाण चयेणु।