1 थिस्सलुनीकी 2:8 - Garhwali

⁸ अर हमतै तुम बटि इथगा लगौ ह्‍वे गै कि हमुन तुमतै नऽ त केवल परमेस्वर को शुभ समाचार सुणै, बल्किन मा तुम खुणि अपणा पराण तैं भि देणु कू तयार ह्‍वे ग्यां, किलैकि हम तुम बटि प्यार करद्‍यां।

गढवली नयो नियम

⁸ भस पिता परमेश्वर कु शुभ सन्देश सुनांणु कु ही न पर अपड़ा प्राण भि तुम्हरा खातिर दींण कु तैयार छा, इलै की हम तुम बट्टी भौत प्रेम करदां।

1 थिस्सलुनीकी 2:8 ပူးပေါင်းရင်းမြစ်များ

लूका 7:2

अर उख नगर मा एक रोमी सैनिको को सुबेदार छौ। अर ये सुबेदार को एक नौकर छौ, जै बटि उ भौत प्यार करदु छौ। अर उ नौकर भौत बिमार होयुं छौ अर मुरण वळु छौ।

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

रोमियों 10:1

हे मेरा भै-बैंणो, मेरी मनसा इन च कि सब यहूदी लोग बचयै जा, अर पिता परमेस्वर बटि मि ऊं खुणि या ही प्रार्थना करदु।

रोमियों 15:29

मि जणदु छौं कि जब मि तुमरा पास औलु, त यीशु मसीह की तरफा बटि हमतै भरपूर आसीस मिलली।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

गलातियों 4:19

हे मेरा बच्‍चों, मि तुम खुणि फिर से परसव जन पीड़ा सौंणु छौं। अर या पीड़ा तब तक राली, जबरि तक मसीह को रुप तुमरा भितर फिर से बणि के तयार नि ह्‍वे जौ।

फिलिप्पी 1:8

अर ईं बात का बारा मा परमेस्वर मेरु गवा च, कि मि तुम सभ्यों बटि मिलणु खुणि कथगा तड़पदु। अर दया कैरिके जन प्यार यीशु न कैरी, ठिक उन्‍नि मि भि तुम से करदु।

फिलिप्पी 2:17

अर प्रभु मा तुमरा बिस्वास अर तुमरा द्‍वारा किये जाण वळी सेवा, परमेस्वर खुणि अरपण मा चड़ईं भेंट का जन च, अर अगर जु मितैं अपणु बलिदान या अपणु खून एक खास तेल की तरौं चड़ौण पोड़लु, त तभि भि मि खुश छौं अर मि ईं खुशी को साझा तुमरा दगड़ा मा भि करदु।

फिलिप्पी 2:20

किलैकि मेरा पास तीमुथियुस का जन और कुई भि मनखि नि च जु कि सच्‍चा दिल से तुमरा बारा मा चिन्ता-फिकर करदु हो।

फिलिप्पी 4:1

हे मेरा प्यारा भै-बैंणो, मेरु मन तुम लोगु से मिलण को भौत करदु, किलैकि मि तुम से भौत प्यार करदु। अर मि तुम से बिन्ती करदु कि तुम प्रभु का पिछनै इन्‍नि चलणा रा अर यां मा ही मेरी खुशी च, किलैकि तुम लोग मि खुणि एक मुकुट का रुप मा इनाम छाँ।

कुलुसी 1:28

अर वे ही मसीह को परचार हम लोग करद्‍यां अर लोगु तैं चितै देन्द्‍यां, अर हरेक मनखि तैं अपणा पूरा ज्ञान से सिखौन्द्‍यां, ताकि हरेक मनखि तैं एकदम सिद्ध बणै के पिता परमेस्वर का समणि खड़ु कैरी सैका।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

फिलेमोन 1:1

हे मेरा प्यार भै फिलेमोन, मि पौलुस ईं चिठ्‍ठी तैं हमरा भै तीमुथियुस का दगड़ा मा मिली के त्वे खुणि लिखणु छौं जु कि हमरा दगड़ा मा सेवा को काम करदु। मेरा दगड़्या, मि इख यीशु मसीह की सेवा का बानो कैदी होयुं छौं,

इब्रानी 13:17

अर जु बिस्वासी समुदाय का मुखिया लोग छिन, तुम ऊंकी आज्ञा माणा अर ऊंका अधीन मा रा, किलैकि वु तुमरा जीवन खुणि बड़ी चिन्ता करदिन, अर वु भौत अच्छे से जणदिन कि ऊंतैं तुमरा जीवन को हिसाब-किताब परमेस्वर तैं देण पोड़लु। अर तुम ऊंकी बात को पालन कैरा, ताकि वु खुशी से ये काम तैं कैरी सैका ना कि दुखी ह्‍वेके। किलैकि अगर जु वु दुखी छिन त वां से तुमतै कुई फैदा नि च।

1 यूहन्ना 3:16

अर यीशु मसीह न हमरा खातिर अपणी जान दे दिनी, अर यां से ही हमतै इन पता चलि कि प्यार क्या होन्दु? इलै हमतै भि एक-दुसरा खुणि अपणी जान देण चयेणी।