1 थिस्सलुनीकी 2:19 - Garhwali

¹⁹ अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

गढवली नयो नियम

¹⁹ हमारी य आस या आनन्द या बड़ै कु मुकुट को च? यु तुम ही हवेला जब हमारा प्रभु यीशु मसीह फिर से वापिस आलो।

1 थिस्सलुनीकी 2:19 ပူးပေါင်းရင်းမြစ်များ

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

मरकुस 8:38

अर कुई मनखि परमेस्वर तैं छोड़ के चलि जान्दु अर ईं पापि पीढ़ी का लोगु का समणि मि बटि अर मेरा वचनों बटि सरमान्दु, त जब मनखि को पुत्र भि अपणा पवित्र स्वर्गदूतों का दगड़ा, अर अपणा पिता की सामर्थ का दगड़ा मा वापस आलु, त उ भि वे मनखि से सरमालु।”

यूहन्ना 21:22

फिर यीशु न वेकू बोलि, “अगर जु मेरी इच्छा होलि, कि उ मेरा औण तक ठैर्युं रौ, त त्वेतै ईं बात से क्या मतलब? पर तू मेरा पिछनै अऽ।”

1 कुरिन्थि 15:23

अर जन पिता परमेस्वर न यीशु मसीह तैं मुरदो मा बटि सबसे पैलि ज्यून्द कैरी, ठिक उन्‍नि जब यीशु वापस आलु त ऊं सभ्यों तैं भि मौत मा बटि ज्यून्द करलु जु वे पर बिस्वास करदिन।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 कुरिन्थि 1:14

अर मितैं इन भि यकीन च कि तुम लोग मेरा बारा मा थुड़ा भौत जाणि ग्यां, अर पूरि तरौं से जाणि के बड़ु मोन करिल्या। अर जब हमरु प्रभु यीशु मसीह वापस आलु, त वे दिन पर हम तुमतै देखि के बड़ु मोन कैरी सकद्‍यां।

फिलिप्पी 2:16

अर जीवन का वचन तैं अपणा जीवनों मा मजबूती से बणै के रखा, ताकि यीशु मसीह का वापस औण का दिन पर ईं बात पर मि बड़ु मोन कैरी सैकु। अर वे दिन मि समझि जौलु कि मेरी भाग-दौड़ अर मेरा द्‍वारा करीं मेनत बेकार नि गै।

फिलिप्पी 4:1

हे मेरा प्यारा भै-बैंणो, मेरु मन तुम लोगु से मिलण को भौत करदु, किलैकि मि तुम से भौत प्यार करदु। अर मि तुम से बिन्ती करदु कि तुम प्रभु का पिछनै इन्‍नि चलणा रा अर यां मा ही मेरी खुशी च, किलैकि तुम लोग मि खुणि एक मुकुट का रुप मा इनाम छाँ।

1 थिस्सलुनीकी 2:20

हाँ, सच्‍चि मा हमरि बडै अर हमरि खुशी को कारण तुम ही छाँ।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

1 थिस्सलुनीकी 4:15

अर प्रभु का वचन का मुताबिक हम तुमतै बतै देन्द्‍यां, कि जब प्रभु आलु तब मुरयां लोग ही पैलि वे बटि मिलला। अर वेका बाद हम जु ज्यून्दा छां वे बटि मिलुला।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

2 थिस्सलुनीकी 1:4

इख तक कि जुलम अर विरोध सौण का बाद भि, तुम लोग अपणु बिस्वास पिता परमेस्वर पर बणै के रखद्‍यां, अर तुमरि ईं बात का बारा मा ही हम लोग परमेस्वर का दुसरा बिस्वासी समुदाय मा बड़ु मोन कैरिके तुमरा बारा मा बतौन्दु।

2 थिस्सलुनीकी 1:7

अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

2 थिस्सलुनीकी 2:1

हे मेरा भै-बैंणो, अब हम तुमतै अपणा प्रभु यीशु का दुबरा औण का बारा मा, अर वेका पास इकट्‍ठा होण का बारा मा बतै देन्द्‍यां। किलैकि तुमरा बीच मा कुछ इन्द्रया लोग ऐ गैनी, जु कि तुमतै गळत सिखौन्दिन। अर वु बुल्दिन, कि प्रभु को दुबरा औण की बात पूरि ह्‍वे गै अर वु इन भि बुलला, कि हमतै त परमेस्वर का आत्मा न बतै अर भविष्यबाणियाँ भि ह्‍वेनि। अर वु लोग हमरु नौ लेके इन भि बुलला, कि हमतै त चिठ्‍ठी का द्‍वारा बतये गै। मगर हम तुमतै बतै देन्द्‍यां, कि यों बातों तैं सुणी के तुम अचानक से बिस्वास मा डगमगै नि जयां अर ना ही घबरयां।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

याकूब 5:7

इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

याकूब 5:8

ठिक उन्‍नि तुम भि सबर रखा। अर अपणा मनों तैं मजबूत कैरा, किलैकि प्रभु को औण वळु दिन नजदीक ही च।

1 पतरस 5:4

अर जब परधान चरवाह यीशु परगट होलु, त तुमतै वु मुकुट मिललु जैकी सान कभि खतम नि होलि।

2 पतरस 1:16

अर जब हमुन प्रभु यीशु मसीह की ताकत अर वेका वापस औण का बारा मा तुमतै शुभ समाचार सुणै, त हमुन तुमरा दगड़ा मा कुई चालाकी नि चलि। अर ना ही तुमतै झूठ्‍ठी शिक्षा सुणै के तुमरो कुई फैदा उठे, बल्किन मा हमुन त वेका सानदार आदर-सम्मान का बारा मा तुमतै बतै जु खुद हमुन अपणा आंख्यों न देखि छौ।

2 पतरस 3:4

अर इन बुलला कि, “अरे, यीशु मसीह न वापस औण को जु करार कैरी छौ वेको क्या ह्‍वे? किलैकि हमरा पितर त मोरि गैनी, अर जब बटि या दुनियां बणि तब बटि लेके अभि तक ठिक उन्‍नि होणु च जन पैलि होन्दु छौ।”

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

दिब्य दरस 1:7

देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

दिब्य दरस 22:12

तब यीशु न मिकू बोलि, “देख मि जल्द ही औण वळु छौं, अर हरेक मनखि तैं वेका कामों का मुताबिक बदला मा दिये जालु।