1 थिस्सलुनीकी 2:18 - Garhwali

¹⁸ अर हमुन खुद इन चै छौ कि ऐके तुम बटि मिला, इख तक कि मि पौलुस न भि भौत कोसिस कैरी कि ऐके तुम से मिलु। अर या कोसिस मिन एक बार ना, बल्किन मा बार-बार कैरी मगर शैतान रुकावट डलणु रै।

गढवली नयो नियम

¹⁸ इलै हम ल अर खासकर मि पौलुस ल कई बार तुम मा आंणै की कोशिश कैरी छै, पर शैतान ल मि तैं तुम मा औंण मा अड़चन डल्दी।

1 थिस्सलुनीकी 2:18 ပူးပေါင်းရင်းမြစ်များ

मत्ती 4:10

तब यीशु न वेकी बात तैं नकारी के बोलि, “शैतान मेरा पास बटि दूर ह्‍वे जा, किलैकि पवित्रशास्‍त्र मा लिख्यूं च कि, ‘तू केवल अपणा प्रभु परमेस्वर की ही पूजा कैर, अर बस वेकी ही सेवा कैर।’”

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

रोमियों 15:22

हे मेरा दगड़्यों, यों सब बातों की वजै से ही मि कई बार तुमरा पास औण चाणु छौ, मगर हर बार कुई ना कुई बात मितैं उख औण से रोकी देणी छै।

1 कुरिन्थि 16:21

मि पौलुस खुद अपणा हाथळ अब तुमकु सलाम लिखणु छौं।

फिलिप्पी 4:16

अर मितैं याद च जब मि थिस्सलुनीकी नगर मा छौ, त तुमुन मेरी जरुरत का बगत मा कई बार मेरी मदद कैरी।

कुलुसी 4:18

अर मि पौलुस जु कि इख बेड़ियों मा बन्धयूं छौं खुद अपणा हाथळ तुम खुणि सलाम लिखणु छौं, तुम मितैं अपणी प्रार्थनाओं मा याद रख्यां। अर मि इन प्रार्थना करदु कि प्रभु की किरपा तुम पर होणी रौ। आमीन।

2 थिस्सलुनीकी 3:17

अर मि पौलुस खुद अपणा हाथळ तुम खुणि सलाम लिखणु छौं। अर मि अपणी हर चिठ्‍ठी मा इन्‍नि सलाम लिखदु, ताकि हरेक तैं इन पता चलि जौ, कि या चिठ्‍ठी मिन ही लिखीं।

फिलेमोन 1:9

मेरा प्यारा भै, मि त्वेसे भौत प्यार करदु इलै मि त्वेसे बिन्ती करदु कि मि पौलुस जु कि अब बुढ्या ह्‍वे ग्यों, मि यीशु मसीह का खातिर इख जेलखाना मा छौं।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।