1 थिस्सलुनीकी 2:15 - Garhwali

¹⁵ अर ऊं यहूदी लोगु न प्रभु यीशु तैं अर पिता परमेस्वर का कुछ रैबर्यों तैं मारी डालि। अर ऊंन हमतै भि भौत सतै च, ऊंन परमेस्वर तैं खुश नि कैरी, बल्किन मा वु त सब मनखियों को विरोध करदिन।

गढवली नयो नियम

¹⁵ ऊं यहूदियों ल प्रभु यीशु तैं अर पिता परमेश्वर का तरपां बट्टी बुल्ण वलो तैं भि मार डाली अर हम तैं भि सतै अर पिता परमेश्वर ऊं बट्टी खुश नि च अर सभि मनिख्युं को विरोध करदींनि।

1 थिस्सलुनीकी 2:15 ပူးပေါင်းရင်းမြစ်များ

मत्ती 23:37

अर यीशु न फिर से बोलि, “हे यरूशलेम का लोगु, तुम परमेस्वर का रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन भौत बार इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, उन्‍नि मि भि तुमतै इकट्‍ठा कैरुं, पर तुम लोगु न इन नि चै।

मत्ती 27:25

तब लोगु न वेकू बोलि, “येका ल्वे को हिसाब-किताब हमरा अर हमरि औलादों बटि लिये जौ।”

मत्ती 5:12

तब तुम आनन्द मणया अर मगन ह्‍वे जयां, किलैकि तुम खुणि स्वर्ग मा बड़ु इनाम रख्युं च। अर जन वु तुमतै सतौणा छिन, ठिक इन्‍नि ऊंन तुम से पैलि परमेस्वर का भौत सा रैबर्यों तैं भि सतै।”

लूका 24:20

पर हमरा मुख्य पुरोहितों न अर अधिकारीयों न वेतैं मौत की सजा देण खुणि सौंप दिनी, ताकि वेतैं क्रूस पर चड़ये जौ।

खास चेलों 12:3

अर जब वेतैं पता चलि, कि ईं बात से यहूदी लोग भौत खुश होणा छिन, त वेन पतरस तैं भि पकड़वै दिनी। अर यू सब अखमीरी रुट्‍टी का त्योवार का दिनों मा ह्‍वे।

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

खास चेलों 5:30

अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

1 कुरिन्थि 10:5

मगर फिर भि भौत सा लोग पिता परमेस्वर का खिलाप मा छा। इलै वु ऊं लोगु से खुश नि छौ, तब वेन ऊंतैं दण्ड दिनी अर वु निर्जन जगा मा मोरि गैनी।

2 कुरिन्थि 11:26

अर मिन भौत सि जगों को सफर करण का बगत अपणा जीवन मा भौत सि मुसीबतों तैं झेली। जन कि, गाड-गदन्यों तैं पार करण को बगत, डाकुओं का द्‍वारा, अर मेरा अपणा यहूदी लोगु का द्‍वारा, अर ऊं लोगु का द्‍वारा भि जु की यहूदी जाति का नि छिन। अर मितैं नगरों मा, निर्जन जगों मा, समुन्दर मा दुख-तकलीफ झिलण पोड़ीनी, इख तक ऊं लोगु का द्‍वारा भि मितैं सतयै गै, जु की झूठ्‍ठ बोलि के खुद तैं यीशु मसीह को बतौन्दिन।