1 थिस्सलुनीकी 1:9 - Garhwali

⁹ किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

गढवली नयो नियम

⁹ किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।

1 थिस्सलुनीकी 1:9 ပူးပေါင်းရင်းမြစ်များ

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

खास चेलों 14:15

अरे भैयों, रुका-रुका, तुम यू क्या कना छाँ? हम भि त तुमरि तरौं मनखि छां। अर तुमतै यू शुभ समाचार सुनौणा छां ताकि तुम यों सब बेकार की चीजों से दूर रै सैका, अर ज्यून्दा परमेस्वर की तरफा ह्‍वे जा, जैन यू आसमान या धरती अर समुन्दर अर जु कुछ भि यों मा च उ सब कुछ बणै।

रोमियों 9:26

अर एक जगा मा होशे इन भि लिखदु कि, “तुम मेरी परजा का लोग नि छाँ, मगर वीं ही जगा मा वु ही लोग ज्यून्दा परमेस्वर की औलाद बणि गैनी।”

1 कुरिन्थि 12:2

अर जब तुम ज्यून्दा पिता परमेस्वर तैं नि जणदा छा, तब तुमरो जीवन कन छौ वांका बारा मा भि तुम जणदा ही छाँ। अर वे बगत त तुम बेजान मूरतों की पूजा करदा छा, अर ऊंका पिछनै चलदा छा, अर जन तुमतै बतये जान्दु छौ तुम उन्‍नि करदा छा।

1 थिस्सलुनीकी 2:1

हे मेरा भै-बैंणो, तुम खुद ही जणद्‍यां कि हमरु तुमरा पास औण बेकार नि गै।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

1 यूहन्ना 5:21

हे मेरा प्यारा बच्‍चों, खुद तैं दुसरा द्‍यबताओं से बचै के रखा।

दिब्य दरस 17:2

अर वींका दगड़ा मा धरती का राजाओं न गळत सम्बन्ध रखिनी, अर दारु की तरौं वींका ये काम से धरती का रौण वळा वींका नसा मा धुत ह्‍वे गैनी।”