1 पतरस 5:3 - Garhwali

³ अर जु लोग तुमरा सुपुर्द कियां छिन तुम ऊं पर अधिकार नि जमा, बल्किन मा तुम खुद दल का लोगु खुणि एक उदारण बणा।

गढवली नयो नियम

³ अर जु लोग तुम तैं दियां छिनी, ऊं तैं आज्ञा दे के नि फेरा जन एक शासक अपड़ा लुखुं तैं आज्ञा दींद। बल्कि ऊंकु एक उदाहरण बणा।

1 पतरस 5:3 ပူးပေါင်းရင်းမြစ်များ

यूहन्ना 13:15

किलैकि मिन तुमरा समणि एक उदारण कैरिके देखैलि, कि जन मिन तुमरा दगड़ा मा कैरी, उन्‍नि तुम भि कैरा।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

1 कुरिन्थि 11:11

पर फिर भि प्रभु का इंतजाम का मुताबिक जनानि बैख का बिना कुछ भि नि च, अर ठिक उन्‍नि बैख भि जनानि का बगैर कुछ नि च।

1 कुरिन्थि 3:5

अर तुमरो यू पौलुस अर अपुल्‍लोस क्या च लगायूं? अरे, हम त सिरफ यीशु मसीह का सेवक छां। अर हमरि बातों तैं सुणी के तुमुन यीशु मसीह पर बिस्वास कैरी, अर हम दुईयों न त सिरफ उई काम कैरी जु कि परमेस्वर न हमतै देई।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

फिलिप्पी 3:17

हे मेरा भै-बैंणो, मि इन चान्दु कि तुमरो चाल-चलन मि जन ह्‍वे जौ, किलैकि मि तुम खुणि एक नमूना बणि ग्यों। अर जौं लोगु को चाल-चलन मि जन च, तुम ऊं लोगु पर भि ध्यान द्‍या।

फिलिप्पी 4:9

अर जु बात तुमुन मि बटि सिखी के स्वीकार करिनी, अर जु बात तुमुन मि बटि सुणिनी या मि मा दिखिनी, ऊं ही बातों को पालन कना रा, तब शान्ति देण वळु परमेस्वर तुमरा दगड़ा मा रालु।

1 थिस्सलुनीकी 1:7

अर तुम लोगु न इन कैरी, इलै अखया मुलक का सब बिस्वासी लोगु मा, अर ठिक उन्‍नि मकिदुनिया मुलक का दुसरा हिस्सा का लोगु खुणि भि तुम लोग एक नमूना बणि ग्यां।

2 थिस्सलुनीकी 3:9

जब की हमरा पास यू अधिकार च कि हम तुम बटि पूरि मदद ल्या, मगर हम खुद तुम खुणि एक उदारण बणि ग्यां, ताकि तुम सिखी जा कि जन हम लोगु न कैरी उन्‍नि तुम भि कैरा।

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

तीतुस 2:7

अर तीतुस, तू खुद हर बात मा ऊंतैं एक अच्छु उदारण बणि के दिखौ। अर जै उपदेस तैं तू सिखैली, वामा तू गम्भीर अर खरु हो,

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।