1 पतरस 5:14 - Garhwali

¹⁴ अर तुम लोग भि प्यार से भूकि पिके एक-दुसरा कू सलाम बोला। अर मि इन प्रार्थना करदु, कि तुम सब लोग जु कि यीशु मसीह पर बिस्वास करद्‍यां, तुम सभ्यों तैं वेकी शान्ति मिलदी रौ। आमीन।

गढवली नयो नियम

¹⁴ एक-दुसरा तैं हकीकत मा प्रेम से प्रणाम कैरा। मि प्रार्थना करदु कि पिता परमेश्वर वे हर आदिम तैं शान्ति द्यो जु मसीह को च।

1 पतरस 5:14 ပူးပေါင်းရင်းမြစ်များ

मत्ती 5:47

अर अगर जु तुम बस अपणा ही भै-बन्दों तैं नमस्कार करद्‍यां, त कौन सा तुमुन भौत बड़ु काम कैरियाली। अरे, जु लोग यहूदी जाति का नि छिन ऊ भि त इन्‍नि करदिन।

यूहन्ना 14:27

“अर मि तुमतै शान्ति दिये जान्दु, अपणी शान्ति मि तुमतै देणु छौं। अर जन दुनियां तुमतै देन्दी, उन्दरि शान्ति मि तुमतै नि देन्दु। इलै तुम नि डौऽरा अर ना ही घबरा।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

यूहन्ना 20:19

अर वे ही दिन याने कि इतवार की श्याम बगत यीशु का चेला एक कमरा मा छा। अर यहूदियों की डौऽर का बाना ऊंन द्‍वार बन्द कैरियाली छा, कि तबरि यीशु ऊंका बीच मा ऐके खड़ु ह्‍वे गै, अर ऊंकू बोलि, “तुमतै शान्ति मिलु।”

यूहन्ना 20:26

एक हप्‍ता का बाद यीशु का चेला फिर से घौर का भितर छा। अर अबरि दौं थोमा भि ऊंका दगड़ा मा छौ। अर घौर का द्‍वार बन्द छा, तभि भि यीशु भितर ऐ गै। अर ऊंका बीच मा खड़ु ह्‍वेके बोलि, “तुमतै शान्ति मिलु।”

रोमियों 1:7

हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

रोमियों 16:16

अर अपणा आपस मा पवित्र दिल से एक-दुसरे की भूकि पिके सलाम बोला। अर यीशु मसीह का सब समुदाय का लोग तुमतै सलाम बुलणा छिन।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 16:20

सब बिस्वासी भै-बैंणा तुमकु सलाम बोन्‍ना छिन, अर तुम भि ठिक इन्‍नि पवित्र दिल से एक-दुसरे की भूकि पिके सलाम बोला।

2 कुरिन्थि 13:12

अर पवित्र दिल से एक-दुसरे की भूकि पिके सलाम बोला।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

इफिसुस 6:23

अर मि इन प्रार्थना करदु, कि पिता परमेस्वर अर प्रभु यीशु मसीह की तरफा बटि तुमतै शान्ति मिलु। अर तुम सब एक-दुसरा से प्यार करण मा अर बिस्वास मा हरेक दिन बढदी जा।

1 थिस्सलुनीकी 5:26

अर पवित्र दिल से एक-दुसरे की भूकि पिके सलाम बोला।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।

3 यूहन्ना 1:14

बल्किन मा मितैं इन उम्मीद च कि मि भौत जल्द त्वेसे मिललु, अर तब अमणि-समणि बात होलि।