1 पतरस 5:12 - Garhwali

¹² हे मेरा दगड़्यों, सिलवानुस एक इन भै च जैतैं मि भरोसा का लैख समझदु, वेका द्‍वारा मि या चिठ्‍ठी तुम लोगु खुणि लिखौणु छौं। अर ईं चिठ्‍ठी मा मिन कुछ शब्द ही लिखवैनी, ताकि तुमरा हौसला बढ़ो। अर मि इन गवै देन्दु, कि जु बात ईं चिठ्‍ठी मा लिखीं छिन, ऊ सब बात पिता परमेस्वर की सच्‍चि किरपा से छिन, अर तुम सब यों बातों मा मजबूत बणयां रा।

गढवली नयो नियम

¹² मि या छुटी सी चिठ्ठी सिलवानुस (सिलास) का मदद ल लिखणु अर तुम तैं भिजणु छो। मि वे तैं मसीह मा एक विश्वासयोग्य भैय का रूप मा मंणदु छो। मेरू यु तैं लिखणौं को उद्देश्य तुम तैं उत्साहित कन अर तुम तैं आश्वस्त कन कि जु कुछ भि तुम अनुभव कना छा उ वास्तव मा तुम्हरा प्रति पिता परमेश्वर की कृपा को हिस्सा च। ईं कृपा मा स्थिर रावा।

1 पतरस 5:12 ပူးပေါင်းရင်းမြစ်များ

यूहन्ना 21:21

तब वेतैं देखि के पतरस न यीशु कू बोलि, “प्रभु, ये मनखि को क्या जि होलु?”

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

1 कुरिन्थि 15:1

हे मेरा भै-बैंणो, जु शुभ समाचार मिन तुमतै पैलि सुणै छौं, वेतैं तुमुन स्वीकार कैरी, अर वेमा तुम अटल भि छाँ, उई वचन मि तुमतै याद दिलौणु छौं।

2 कुरिन्थि 1:19

किलैकि पिता परमेस्वर को पुत्र यीशु मसीह जैको परचार सिलवानुस, तीमुथियुस अर मिन तुमरा बीच मा कैरी, वेमा पैलि “हाँ” अर फिर “ना” नि ह्‍वे, बल्किन मा वेमा “हाँ” को मतलब हमेसा “हाँ” ही ह्‍वे।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

इफिसुस 3:3

अर जन कि मिन तुमतै वे राज का बारा मा थुड़ा भौत पैलि भि लिखी के बतै छौ, कि उ राज मि पर दिब्य दरसन का द्‍वारा परगट किये गै।

इफिसुस 6:21

मि इन चान्दु, कि तुम लोग मेरा बारा मा जाणा, कि इख मि कै हालत मा छौं अर क्या कनु छौं। इलै मि तुमरा पास हमरा प्यारा भै तुखिकुस तैं भेजणु छौं, जु कि प्रभु की सेवा का काम मा मेरी मदद करण वळु, अर भरोसामन्द मनखि च। अर जब उ तुमरा पास आलु, त तुमतै हमरि हालत का बारा मा बतालु अर तुमरा दिलों की हिम्मत तैं भि बढालु।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

कुलुसी 4:7

हे मेरा दगड़्यों, मेरा प्यारु भै तुखिकुस जु कि प्रभु की सेवा का काम मा मेरी मदद करण वळु अर भरोसामन्द मनखि च, जब उ तुमरा पास आलु, त मेरा बारा मा तुमतै सब कुछ बतै द्‍यालु।

कुलुसी 4:9

अर वेका दगड़ा-दगड़ि मि अपणा प्यारा भै उनेसिमुस तैं भि भेजणु छौं, जु कि तुमरा इख को ही च, अर उ एक भरोसामन्द मनखि च। अर जु कुछ भि इख होणु च, ऊं बातों का बारा मा ऊ दुईया का दुई तुमतै बतै द्‍याला।

1 थिस्सलुनीकी 1:1

हे मेरा भै-बैंणो मि पौलुस छौं, अर मि सिलवानुस अर तीमुथियुस का दगड़ा मा या चिठ्‍ठी लिखणु छौं। अर या चिठ्‍ठी थिस्सलुनीकी नगर मा रौण वळा बिस्वासी समुदाय का लोगु खुणि च, जु की पिता परमेस्वर अर प्रभु यीशु मसीह का लोग छिन। अर हम प्रार्थना करद्‍यां कि, तुम सभ्यों पर परमेस्वर की किरपा अर शान्ति बणि रौ।

2 थिस्सलुनीकी 1:1

हे मेरा भै-बैंणो, मि पौलुस या चिठ्‍ठी भै सिलवानुस अर तीमुथियुस का दगड़ा मा लिखणु छौं। अर या चिठ्‍ठी थिस्सलुनीकी नगर मा रौण वळा बिस्वासी समुदाय का लोगु खुणि च, जु की पिता परमेस्वर अर प्रभु यीशु मसीह का लोग छिन।

इब्रानी 13:22

हे मेरा भै-बैंणो मि तुम बटि बिन्ती करदु, कि तुमतै हौसला देण खुणि जु कुछ भि मिन ईं छुटी चिठ्‍ठी मा लिख्यूं च, तुम ऊं सब बातों तैं सबर रखी के स्वीकार कैरा।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

1 पतरस 4:10

अर पिता परमेस्वर की किरपा से जु-जु दान-बरदान तुमतै मिल्यां छिन, ऊं दान-बरदानों को इस्तेमाल एक-दुसरा की सेवा मा कैरा, अर एक अच्छु सेवक बणा।

2 पतरस 1:12

हालांकि तुम यों सब बातों तैं जणदा ही छाँ, अर जु सच्‍चु वचन तुमतै मिल्यूं च, तुम वेमा मजबूत भि किये ग्यां, मगर फिर भि मि तुमतै यों सब बातों की याद दिलौणु छौं ताकि तुम हमेसा तयार रा।

2 पतरस 2:15

यू लोग अब सीदा बाटा तैं छोड़ि के भटकी गैनी। यू लोग बओर का नौना बिलाम का जन काम कना छिन, बिलाम जैन बुरै की कमै तैं खूब माणी छौ।

3 यूहन्ना 1:12

अर सब लोग दिमेत्रियुस भै की तारीफ करदिन, अर उ परमेस्वर की सच्‍चै का मुताबिक ही अपणा जीवन तैं चलौन्दु। अर मि भि ईं बात को गवा छौ अर तू जणदी छै कि मेरी गवै सच्‍चि च।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।