1 पतरस 4:18 - Garhwali

¹⁸ अर “अगर धरमी मनखि ही बड़ी मुस्किलन बचयै जालु, त सोचा, ऊं लोगु को क्या जि होलु जु पापि छिन अर परमेस्वर की भक्‍ति नि करदिन?”

गढवली नयो नियम

¹⁸ जन कि पिता परमेश्वर को वचन बुल्द, “इख तक कि अच्छा लुखुं तैं पैली दुःख सौण चयणु च, अर वेका बाद ही ऊं तैं बचाव अर उद्धार मिललो, अर यां से भि जादा पापी लुखुं तैं दुःख होलो अर जु लोग पिता परमेश्वर का अधीन नि हूंदींनि!”

1 पतरस 4:18 ပူးပေါင်းရင်းမြစ်များ

लूका 15:1

अर सब चुंगी लेण वळा अर इन्‍नि और पापि लोग भि यीशु का पास वेको उपदेस तैं सुनणु कू औन्दा छा।

लूका 23:31

“किलैकि जब लोग हरयां डाळा का दगड़ा मा इन कैरी सकदिन, त सुख्यां डाळा का दगड़ा मा क्या कुछ नि करला।”

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

खास चेलों 27:24

‘पौलुस डौऽर ना, त्वेतै महाराजा का समणि हाजिर होण जरुरी च। अर सुण, जथगा भि लोग तेरा दगड़ा मा यात्रा कना छिन, तेरी प्रार्थना तैं सुणी के परमेस्वर ऊं लोगु की भि हिफाजत करलु।’

खास चेलों 27:31

तब पौलुस न सुबेदार अर सिपयों कू बोलि, “अगर यू लोग जाज मा नि राला, त तुम भि नि बचि सकद्‍यां।”

रोमियों 1:18

हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

रोमियों 5:8

मगर पिता परमेस्वर अपणा प्यार तैं हम मनखियों का खातिर दिखान्दु, किलैकि जब हम वेका खिलाप मा पाप पर पाप कना छा, त वे ही बगत मा यीशु मसीह मरे गै, ताकि वेकी मौत से हमतै फैदा हो।

1 कुरिन्थि 10:12

अर जु मनखि इन सुचदु कि मि अपणा बिस्वास मा मजबूत छौं, त वेतैं बड़ी साबधानी से अपणा बिस्वास मा और भि जादा मजबूत होण चयेणु, ताकि उ बिस्वास मा डगमगै नि जौ।

1 तीमुथियुस 1:9

अर हम यू भि जणद्‍यां, कि परमेस्वर का नियम-कानून धरमी लोगु खुणि नि दिये गैनी, पर ऊं लोगु खुणि दिये गैनी जु लोग नियम-कानूनों तैं नि मणदिन, अर अधिकारी लोगु की बात नि मणदिन, परमेस्वर को आदर-सम्मान नि करदिन, पाप करदिन, दुष्‍ट जीवन जीण वळा छिन, अर परमेस्वर की बातों तैं नि मणदिन, अर ब्वे-बबों तैं जान से मरण वळा, अर हत्या भि करदिन।

इब्रानी 4:1

हे मेरा भै-बैंणो सुणा, पिता परमेस्वर न अपणा लोगु तैं आराम की जगा मा दाखिल होण को जु करार कैरी वु अभि तक बणयूं च। इलै हमतै ईं बात तैं ध्यान मा रखण चयेणु, कि हम मा बटि कुई भि ये करार से दूर नि ह्‍वे जौ।

याकूब 5:6

जु लोग तुमरा खिलाप मा नि छा, ऊं धरमी मनखियों पर इळजाम लगै के तुमुन ऊंतैं मौत की सजा देई।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

यहूदा 1:15

ताकि सब मनखियों को न्याय कैरो, अर जु लोग ज्यून्दा परमेस्वर की भक्‍ति नि करदिन, ऊं सब लोगु तैं ऊंकी बुरी बातों खुणि, अर जौं लोगु न वेका खिलाप मा बात बुलिनी ऊं सब पापि लोगु तैं दण्ड द्‍यो।”