1 पतरस 4:17 - Garhwali

¹⁷ किलैकि अब न्याय को वु बगत ऐ गै, जब पिता परमेस्वर सबसे पैलि अपणा लोगु को न्याय करलु। इलै जब न्याय कि शुरुवात सबसे पैलि हम बटि होण, त सोचा, ऊं लोगु को क्या जि हाल होलु जौन परमेस्वर का शुभ समाचार तैं स्वीकार नि कैरी?

गढवली नयो नियम

¹⁷ किलैकि न्याय कनु को बगत ऐ गै, कि पैली पिता परमेश्वर का लुखुं को न्याय किये जालो, अर जबकि उ पैली हम विश्वासियों को न्याय करलो, इलै ऊं भयानक चीजों का बारा मा सोचा जु ऊं लुखुं का दगड़ी होलो जु वे शुभ सन्देश तैं नि मणौंदींनि जु वेका तरपां बट्टी औंदी।

1 पतरस 4:17 ပူးပေါင်းရင်းမြစ်များ

लूका 23:31

“किलैकि जब लोग हरयां डाळा का दगड़ा मा इन कैरी सकदिन, त सुख्यां डाळा का दगड़ा मा क्या कुछ नि करला।”

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

रोमियों 2:9

अर बुरै करण वळा सब लोग तैं दुख-मुसीबत झिलण पोड़लि सबसे पैलि यहूदी जाति का लोगु तैं अर वेका बाद ऊं लोगु तैं जु यहूदी जाति का नि छिन।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

गलातियों 5:7

अर तुम त सच्‍चै का बाटा पर खूब अच्छे से चलणा छा, पर अब इन बता कि कु च उ जैन तुमतै सच्‍चै का बाटा पर चलण से रोकीयाली?

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

2 थिस्सलुनीकी 1:8

अर जब यीशु वापस आलु, त वेका अपणा लोग वेको बड़ु आदर-सम्मान करला अर वे खुणि ताजुब करला, किलैकि जु वचन हमुन तुमतै बतै वे पर तुमुन बिस्वास कैरी। इलै तुम भि ऊं पवित्र लोगु का दगड़ा मा सामिल ह्‍वे जैल्या, मगर जु बिस्वास नि करदिन वु लोग वे दिन पर प्रभु का समणि अर वेकी महानता मा बटि दूर किये जाला, अर सदनि का विणास को दण्ड पाला। किलैकि ऊंन हमरा प्रभु यीशु का बारा मा वेकी ईं अच्छी खबर तैं नि माणी, अर ना ही हमरा परमेस्वर तैं पछ्याणदिन। अर जब यीशु वापस आलु, तब यू सब कुछ होलु।

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

इब्रानी 11:8

अर बिस्वास का द्‍वारा ही पितर अब्राहम तैं जब परमेस्वर का द्‍वारा बुलये गै, त वु आज्ञा माणी के वीं जगा कू निकळि, जिं जगा को वु हकदार होण वळु छौ। हालांकि वु नि जणदु छौ कि वु कख जाणु मगर फिर भि वु चलि गै।

इब्रानी 2:2

अर ज्वा शिक्षा पिता परमेस्वर न स्वर्गदूतों का द्‍वारा दिनी वा सच्‍च छै, अर जैन भि वेको पालन नि कैरी वेतैं दण्ड मिली।

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 पतरस 2:8

अर ऊं लोगु खुणि इन भि लिख्यूं च कि, “यू ढुंगो ऊं खुणि उतेडु़ बणि गै, अर एक इन्द्रयो पौड़ जै बटि फिसली के वु लमडी गैनी।” किलैकि ऊ लोग परमेस्वर का वचन मा लिखीं बातों को पालन नि करदिन, इलै ऊंतैं उतेडु़ लगि। अर इन्द्रया लोगु खुणि पिता परमेस्वर न या ही योजना बणै के रखी च।